FIFA President ta World Cup Final moh awpa ta Thailand chapaw hawtipazy hrua
FIFA president Gianni Infantino chata lôkhaoh liata â tâh haipa, Thailand chapaw hawti football team zy cha World Cup final moh awpa ta a hrua ei. World Cup liata akhaihpa Player nano nanopazy ta chhao Thai hawtipazy he khokheina ama paphao hra.
Infantino chata Thai chapaw hawtipazy Football Club, Wild Boars team-zy cha Moscow khihpi liata July 15 liata Final akhaihpa moh hmâ awpa ta pachhapapua tlai ei sala tahpa cha a saduthliena a chânazie a rei.
FIFA President chata, “Pachhapapuapa châ ei sala, ama chhôhkhanah kiah liata y thei hapa ta, ama hnatlâna zy a pha khiahta la FIFA chata 2018 World Cup final liata eima khichhai phapa châ awpa ta eima hrua,” tahpa Football Association of Thailand President chã a paphaopa liata a ro.
