Mother Teresa ta hâra deichhyna châta a paduapa liata hriatuhpazy ta hawsaihpa ama zuah tyh?
Mother Teresa ta hâra
deichhyna a paduapa, ‘Missionaries of Charity’, Jharkhand liata Sister pakha
cha hawsaihpa, noh 14-ta uhtheipa a zuah tahpa ta baipa châpa ta patupa a châ.
Sister hropa panozy chhao he
biebuapa nahta ahniahnipa liata bie hiahrihpasia awpa ta Police-zy ta la ei ta,
he hlâta hmolai viapa apabupa thaohpapuapa a châ na ta pangiasana a lai kaw.
Police zy heta Jharkhand State
Child Welfare Committee (CWC) ta he chôchâh ama kô ama vaw tlôkhei tawhta
hmahlapa ta. Missionaries of Charity liata biehneituhpazy chata he thâtih heta
a pahlaw chaimâh ei, tahpa ama rei.
Sunita Kumar, Missionaries of
Charity liatapa chata, "Eima yna su liata hmo a tlôpa eima theipa heta
maniah pahlaw hmeiseih...eima palôhta â chhuahleipa pi hmo la a châ. He chôchâh
he pakhâta ta mohpasia hai pi ta. He hmotlôpa he a hmeiseihpa a châ khiahta a
tlô beih khao heih lei n’awpa ta hmah eima la aw," a ta.
Police zy chata he hmo heta
hmolai viapa a palâhâh thei thlyu na tahpa ta a kawh viapa ta amâ lachadai hai,
tahpa reih ei ta, "He su tawhna heta hawsaih hropazy chhao dâh pasai leipa
ta ama vaw zuah tyh tahpa eima hmôpapua," ama ta.
Police zy heta Missionaries of
Charity, Jharkhand supipa tawhna India phusâ 140,000 ($2,150; £1,625),
hawsaihpa zuana mâ a châpa ta ama pangiasapa cha ama hmôpapua hra.
- BBC
