India râh State a mohôhna phapa hryta Mizoram State â hlao
India râh State sawhkhâ a mohôhna (Governance) pha chaipa liata State chyh (smaller states) viapa hryta Himachal Pradesh nata Goa pazipa ta Mizoram cha sâthôhna liata ypa ta; State laipa (Bigger states) hry liata Kerala cha sâkhana châpa ta, Tamil Nadu, Telengana nata Karnataka zy ta ama pazi.
Mizoram cha hawtipazy laiseihna châta a mohôhna state phapa hryta nata chanôzy châta state phapa hryta â hlao hra.
Public Affairs Index 2018, achupasiatuhpa Public Affairs Centre (PAC) ta ama palâhâhpa liana heta Kerala cha sawhkhâ a mohôhna kyh liata a pha chaipa chã ta, Kerela he Tamil Nadu, Telangana, Karnataka nata Gujarat followed Kerala zy ta ama pazi.
Madhya Pradesh, Jharkhand nata Bihar zy cha sawhkhã a mohôhna chhie chaina State tahpa PAI heta palâsa ta, he State zy liana heta panuana hryta ama hmãpa - khihtlâh nata economic liata araohâh leina â sâh kaw.
State chyh viapa (maluh 2 Crore) tloh leina hry liata Himachal Pradesh cha sawhkhâ a mohôhna kyh liata pha chai ta, Goa, Mizoram, Sikkim nata Tripura zy ta ama pazi.
Nagaland, Manipur nata Meghalaya zy cha State chyh viapa hryta amohôhna chhie chaina a châ.
He PAI thliena châ heta achupasiatuhpazy heta panuana châta Infrastructure a ngiah hialiapa (essential infrastructure) hneina kyhzy, chyhsa hmahsiena kyh liata hmahlana zy (support to human development), khihtlâh liata chanô nata hawtipazy abohna nata mohôhna kyh liata ama duasu (social protection, women and children), dâh nata phôh chalochabana (law and order) liata sawhkhâ duasu zy nata ahropa hluhpi ama hmã.
