"Ei pâ khata ei nâ kha sahma vâta ku a pathla"

As Posted By Albert Albert Gangte | Mizo World News FB

Târi 22.7.2018 liata, a vahpa Malsawmdawngkima kutaopa ta hmah a phaoh tawhta, Siaha Thohna-O liata a hrona a pahlei hapa, Pihnô Lucy Lalrinsangi chhôhkhazy ta a sawchapaw, kô 6 ta uhtheipa hmo ama hiahrihna liata â chhyna dâhta cha, a nô nata a paw zy he sahma vâta a pabuapa ama chãpa ta â lâ

A chhôhkhazy heta a sawchapaw he "Khazia ma na nô he na paw ta ku a pathla?" tahpa ta ama hiahrihna cha, chapaw hawtipa heta, "Sahma ôh vâta" tahpa ta â chhy.

"Khazia sahma ôh vâta cha?" tahpa ta ama hiahrihna cha, "Ei pâ ta mydi ta zâhnia zã ta sahma ei vaw dikheipa kha na pie tyh tah ta, ei nâ ta pasaih leipa ta" tahpa ta achhypa ta, "Sahma cha na pahno hra mâ?" tahpa ta ama hiahrihna cha, "Uh, Ei nâ chysia sona liata y ngâthlâh ha ta, ei hmô châ! A roh chhao a pahnâh ka che ha, polythyne ta chatypa, a râhpa a châ pã heih" a ta.

Ama hiahrih lymãna liata, "Na paw ta na nô a pazei nota mihropa ama y ma?" tah heih ei ta, Pihnô Lucy sawchapaw heta, "Ama y thlâh ha" tah ta.

"Pakhâ vei ei mâ??" tahpa ta ama hiahrih heihpa cha, "Ô, ô..ei pâ ta ei nâ kha chhôhpadãhpa lâ a ngiakhei syulyu ha ta" a ta.

"Na paw cha noh-yhkha chhôhpadãhpa liata a y mâ?"  tahpa ta hiahrih heih ei ta, a sawchapaw heta a châh viachhie ta a kaw pua tyh, a ta.

Pihnô Lucy ta ama paw ku a taopa he a saw zy ta ama viasanah O lâ ama charei nota ama reihpapua ei aw; âmo chata Siachangkawn liata Lucy ta paw ta â kaw lapa hnohta kei chho ei ta, a paw ta â lapa heta Puhpa Haisu-nah O pangaipâ lymâpa ta Lucy a kei mohpa cha, Lucy he atheihlô leipa ta rakhô liata âvaw zia thlâh ha bâ ei aw.

Cha hawhta hmah phaohpa ta thachhâ kawpa ta Lucy a mô thlâh hapa cha a su vei, thohna-O ngaikhei parapa a byuh hih tahpa ta, a puhpazy cha phone-pa, a puhpazy chhao cha Siachangkawn pangaipa ta amâ kaw rãpâ ha hra.

Anodeikua a puhpazy heta Tlâhpi kiah liata a kaw tyh ei ta, he liana chhao heta Lucy he hrona a hnei khao leipa alyu kaw, ama ta.

Lucy cha thohna-O ngaikheipa châ ta, châhrasala dawhtyzy chata a hu a chhâ ha, tahpa ama phuah tawhta puhpa Tlanchhunga zy chata a vahpa cha, "Hmo a châna awpa hawhta châ khai ha ta, biedopa reih tu khaw?" tah haw ei ta. A vahpa heta ku pathla vana tahpa ta, a vahpa sietanô chhaota Step liata â hluah, a tah thlâh hra ei aw...

Post mortem report : Post mortem report tawhta â lâna dâh liata, Lucy he a mokhaoh yna rachhôh, a luhchhôh lâ he rao khai ha ta. A hnôhkhi lâ chhochhi cha nai khai ha ta, a hmia chhao kupathlana hniehnôh y hôlô ta; a ky lâ chhao a dô hôlô hrapa hawhta reipa châ ta; a py chhôh liata a nawh byh zy chhao a kei/â hrie khaipa hawhta reipa a châ.

Source : Albert Albert Gangte via Mizo World News FB Group

https://m.facebook.com/groups/581669998662016?view=permalink&id=1054653664696978