ARTICLE : KHEITA STROKE A HNEIPA EIMA PACHHA HMÂ AW?
- By Irene Liu
- Translated By L.BEIHRUA
(He he atahmâ hlâ Stroke vâta thina a hluh kawpa vâta, ama palie chiehpa Marareih ta ei vaw sohpa a châ. Keima deikua experience hnei mâh vana tahpa na pahnokhei muh vy)
Keima paw he stroke vâta kô vâro tlai sy hapa châ ta, cha stroke cha hnoh lâta a thikhei pâ ha tlai hra. He stroke first aid he hmia lâna kha vaw pahno haw sala ei tah ngaita kaw...
Chysapa he ama vaw stroke nah heta ama lathli lia thisaih thari zy kha duhsaw ta ta ama kei / kai pathla tyh.
Ahy tlyma ama vaw stroke nah heta nomaoh pata y awpa rai châ lei pata pachâna pasohpa hmâh a chhuah lylia awpa a châ.
A tlâhleipa cha khataih lia rai vaw y sala ama yna su tawhta pasie awpa châ vei. A chhâpa cha na pasie pasa nona khata a tlâh leipa thisaih tahri kha a kai tlamaw thei, chado thai awpa a peimawh kaw.
A tlâh leipa cha a yna su tawhna khata la papua leipa ta thisaih a loh papua pha thei chaina position awpata na patyusa awpa a châ.
Nama o liata injection syringe na hnei thei chhochhi khiata la pha pachai heih. Cha leipa chhaota pohbina chiphoh tlyma pin tlyma chhao a hmâh thei pyly hra.
Storke mohôh nawpa dâh:
1. Chhiphoh/pin cha pasana hria-iah hropa a kia lei nawpata mei lia na hih tuah aw chi ta, a tlâh leipa ku paro zydua cha thi na paphi khai aw.
2. Thisaih palo awpa dy nawpa su acupuncture point a noeih ta y hlei vei, ku pato tawhta millimeter 1 a hlapa liata a kuparo thi cha na paphi aw.
3. Thisaih cha a loh papua ngâna taih cheingei na vieh awpa a châ.
4. Thisaih a vaw pua thei lei awpa khiatala thata hmie aw chi ta a thisaih cha na palo cheingei awpa a châ.
5. Kuparo sa 10 tawhta thisaih a lo papua tawhta minute rei lei ta na ha chy aw, a tlâh leipa cha a vaw thei thla ha ba aw.
6. A tlâhleipa paka chhao a vaw sia tlamaw thei ta, cha nata a nakao cha a saih ngâ na taihta parai heih awpa a châ.
7. Cha tawhta a nakao pai (chanô nah ta nahpahrei ama ba tyhna su khawh) thisaih di kha di no chhâ loh papua awpata chiphoh ta na vieh heih awpa a châ. Minute rei lei ta ha aw chi ta tlâh leipa cha a vaw thei ha ba hra aw.
A tlâh leipa cha a vaw pha viana taihta hâ chi ta, a duasi liahsa a vaw pha, a normal haw nata thohna o la pangaikhei bah awpa a châ.
Cha hawh tao leipa ta motor ta thlai ta na râkhei pah lyma khiatala a chathona liata a thisaih siena thari cha a kai/pa tlamaw aw tahpa chi a chhi ngâsâ...
Thisaih thy papuapa ta chysa hrona pachha papuana dâh he Sun Juke Chinese traditional doctor, Ha Bu Ting tawhta ei chu papuapa a châ. Cha leipa chhaota practical experience ei hnei ha hra.
He he eima college Supervisor a stroke no chhao apply na ta pha ngâsâ ta, eima buakhei khai tawhta thohna o la pangaikhei pita a myla tawhta a pha kawpata office a vaw kia thei ha heih hra. Chavâta he Stroke zy mohôhna dâh he khâchâ a vaw vao ha la chysa hluhpi hrona na pabohsa thei aw..
