Iran President Rouhani ta US President Donald Trump biesakâvaw
TEHRAN (IRAN): Iran President Hassan Rouhani chata US President Donald Trump cha rãh nopazy likah liata aryhna a y thei thlâh ha nota buana taopa hawhta baipa ta, biesakâ a vaw.
Atakô kôthaona lâ liana khata Trump heta United States cha Iran ta Nuclear a tao lei n'awpa ta adaohtuh awpa py tawhta lapapuapa ta, Iran chôta hriena chaluah awpa ta bie a piepa kha a châ.
Iran ISNA news agency ta ama palâsana liata, Iran President Hassan Rouhani chata atanoh khata US President Trump cha biesakâvawpa ta : "Châkeihbarôhneipa chaolahmei a chatôhkhei kha ei, nâ ngiapachhi pathlei aw" a ta.
US President Trump heta he hawhta Iran ama hriepa heta Iran sawhkhâ ta adaohna hnei awpa a khoh thlâh ha aw, avaw tahpa cha, Iran heta adaohna hnei awpa khoh vei ei.
Rouhani chata aryhna a y thei thlãh ha chy, tahpa ta, "America heta Iran nahta aryhna cha aryhna zydua thabypa châ ta; Iran adyuhna cha adyuhna zydua thabypa a châ, tahpa a pahno" tahpa ta bie nahcharao kawpa a rei.
