Israel nata Palestinian likah buana UN luhpa ta pachâ peimawh
United Nations Secretary-General, Guterres chata Gaza nata Israel chho lâta buana a tlô haipa kyh liata a pachâ a phaleizie a rei.
UN hyutuhpaw heta, "Hrona taihta pahleina a tlôpa he pei ei tah hmeiseih. Buana rarô y viapa a tlô lei n'awpa ta hiakhalâ rairiezy ta hnôh amâ sy awpa â ngiah," a ta.
"Hamas nata Palestinian riahrupa py zy cha Rocket nata meithei zy râhri lâta ka khao lei awpa ta ahaw ei na ta. Israel chhaota buana lai viapa a tlô lei n'awpa ta akohkina a hnei awpa â ngiah" a tah hra.
Chutyh nohta Israel pheisaihzy ta Gaza ama tlahnaona liana khata Palestinian 4 thi ei ta, mohropa 210 ta hmah ama phaoh.
He buana he Gaza Strip liata Israel pheisaih pakha a thi tawhta avaw thaopa a châ.
