Khasi chanô chihro phohropa vahpa a hneipa cha Khasi a châna leipâ ha ta, a sawnah chhao Khasi châ khao vei ei - Khasi Hills ADC
Khasi Hills Autonomous District Council, Meghalaya chata, Khasi chanô, Khasi chipho a châ leipa vahpa ta a hneipazy cha *Khasi* ama châna pahleina awpa nata Scheduled Tribe ama châna nata Constitution ry liata Khasi tribe hawhta pabohsana eihhrâhpa ama hneipa zydua chhao pahleina dâh BILL cha amâ pyh haw. He dâh heta ama sawnah taihta a pahly aw.
Khasi Hills Autonomous District (Khasi Social Custom of Lineage) (Second Amendment) Bill, July 25, liata ama 'Passed-pa' ta a palâsana dâhta cha :
"Any Khasi woman who marries a Non-Khasi as well as her offspring[s] born out of such marriage[s] shall be deemed as Non-Khasi who shall lose the Khasi status and all privileges and benefits as a member of the Khasi Tribe who cannot claim preferential privileges under any law."
He dâh/Bill ta Khasi a châ leipa a tahpazy cha “Constitution (Scheduled Tribe) Order, 1950 (Part III – Rules and Orders Under the Constitution) Part XI – Meghalaya ta liata KHASI chipho (Scheduled tribe) a tahpa liata â hlao leipa maih he ama châ” tahpa ama palâsa hra.
He dâhthiehpa he Khasi Hills Autononous District Council manôh 30-zy ta lôraoh kawpa ta a pyh khai ei ta; Party nano nanopazy ta ama chipho abohna châta tahpa ta ahy hmahta a chakhianazie ta vote pathlapa y tlâ vei ei. Khasi HILLS ADC liata chanô MDC 3 zy ta chhao he dâh amâ pyhzie ama palâsa hra.
