MARA RIDDLES - AVAW CHHY TUA...

Hlâno Marapazy khata hmo achupasiana nata chakhiehcharieh kawpa ta hmo alaichadai amâ vaw paoh kaw. Lahpi-lahvia tluana kyh liata zy, khihsatôhbôhna nata nohkhih yzie liatazy chhao athata hmo amâ vaw chupasia tyh. Thla (Month) moh ama vaw bina dâh zy, Awhsi moh ama vaw bina dâh zy, nata biephôh ama vaw hneipazy tawhta chhao hlâno Marapazy kha hmo â pathuh kawpa ta avaw pachâpa ama châ, tahpa a sia kaw.

He ary liana heta hlâno Marapazy ta âmo tlaita ama vaw hmôpapuapa, ‘AZUAPA (RIDDLES)’ ama vaw hneipazy eima vaw palâsa tua aw. Nâ chhy thei ma?

1.Khâpa e a phei phei kha deita viarâh tlô?

2.Khâpa e nie chhy ie chhy?

3.Khâpa e vawh ta vaw kua thai khao vei?

4.Khâpa e a phei phei kha deita sa phaoh?

5.Khâpa e Vâlô?                   

6.Khâpa e khatino raita a py bie?

7.Khâpa e my kha hraih zâ kha hraih?

8.Khâpa e lyurâhhripa i?

9.Khâpa e â lielâ ta saw phaoh?

10. Khâpa e sie lai ie lai?

Âchhyna a ry liata -

1.Lâpi

2.Larie

3.Pachih pachhaopa.

4.Viahkho

5.Chakoh.

6.Baibâ

7.Ochhipa

8.Tisadâh

9.Pheipai

10.Mawh-reipeih