SIAHA LIATA INDIA KHOTALAINA NOH EI 72-NA HMÂ N'AWPA DÂH REIPAHMAOH

Siaha; July 23: Atamy dawh 11:00Am khata DC's Conference Hall, Siaha liata India Independence Day ei 72-na aly n'awpa dãh pachiapa ta, Independence Day celebration committee zy amâ tyupahmaoh.

He meeting he Siaha DC Pi Harleen Kaur IAS ta chhihthapa ta, kô hrota ama vaw tao tyhpa hawhta Khichhailaipa cha Mawrãh sawhkhâ GAD ku liata sopa châ ta,  ryhpao leina kheihawhpa tlyma a y tlamaw khiahta cha Khichhailaipa raotuh awpa châta DC office raopa ama chã.

Independence Day, 2018 he Siaha Vaihpi tlyliah liata hmãpa châ heih aw ta, my dawh 6:00Am liata National Flag zy a taw n'awpa su liata tawh khai awpa ta pahnosa chhieliena papuapa châ aw ta. My dawh 9:30Am ta zawpi ta tlyliah ama tlô paki aw. My dawh 10:15 Am ta khichhailaipa tlô aw ta. My dawh 11:30 Am liata Independence Day châta ataopasuana pachhuahpanohpazy liata lymâ a rai aw.  CEM, MADC ta zâlâ dawh 1:00Pm-ahliata CEM Bolâ liata 'At Home' a pachhuahpanoh aw.

Atakô National Anthem paryh awpa ta New Colony High School raopa châ ei ta. Parade Contingents awpazy he Uniform tawhta 6 nata School tawhta 12 a hnabeiseihpa ama chã.

Independence Day, 2018 alyna châta Football nata Volleyball Tournament pachhuahpanohpa châ aw ta. Kô hropa liata ama vaw tao tyhpa hawhta Independence Day liana heta, Siaha District liata Thohna-O mianopa hleikhôta District Jail, hârapazy deichhyna 3 nata heihlyuleipazy mohôhna 1 baopa ama chã aw.

- DIPR