Syria liata thithlupa ta Bomb-papa liata chyhsa 38 ama thi

Syria chho lâta chyhsa 3, ama pôhpa liata Bomb a chakaihpa ta thithlupa ta Bomb-papa (Suicide) liata chyhsa 38 hlâta chyh via leipa ama thi. He Bomb-ta â tlahnaona he sawhkhâ biehneina bia, Sweida chhôh nata a chheipâh liata a tlôpa a châ tahpa, state media nata khâsiatuhpazy ta ama rei. Islamic State (IS) py cha he peihriana liata maophaohtuhpa hawhta pachâpa ama châ.

Chyhsa 38 ta hrona ama pahlei hleikhôna heta chyhsa 30 ta hmah ama phaoh tahpa Syrian Observatory for Human Rights, ta ama palâsa. Atliata tawhna khata Syrian sawhkhâ chata chho lâ biazy cha riahrupazy ku tawhta lapakhua ha heih ta. Atliata tawhna khata riahrupazy heta a tlahnaona patlôsa pathao heihpa ta, he liata a thipa hluh viapazy he cha sawhkhâ châta chariah adyuhpazy ama châ via chai.