Article : Chyhsa kyhchhie na rei tyh hra ma? - By Jr Bei Khochhi
Eima rei tyhpa chyhsa hropa kychhie he kheihawhpa zy e a châ?
1. Keimo hlâta duasu a sâh viapa eimâ pha thei leipazy thâchhie eima rei tyh.
2. Keimo phana eima tlua khona daihti liata Chysa hropa thâchhie eima rei tyh.
3. Eima chhôhkha tlyma eima mopakha tlyma maniah Aryh thai leipazy kyh eima rei tyh.
4. A raihria haipa liata a hmah a sie ngâkaw tahpa eima pahno na ta a chyhta chhâ atla pahnai via thei ma tahpa pachâna doleipa phaohna vâta thâchhie reina.
5. Manô/mapaw daihti tawhta amâ zâ dyh thei leipa zy samo-sahlâ taihta adyh hmeiseih thai leipa vâta cha nawhzy hmotaopa adoleina sai reih khona.
Reih awpa hmo hropa a hneileipa pahnona aphahla kawpa vâta chyhsa kyh hrohrâta a reih khoh kawpazy. He he Marapa eimâ thyukheipa hri-iah chichhih kawpa, chipho hmahsiena apapo tyhpa chi kha a châ.
Chyhsapa liata hmo chi no pachâ awpa a y :
"Positive thinking" nata "Negative thinking" - pachâna phapa nata pachâna doleipa zy he a châ.
Chyhsa pakha ta ataopa tlyma? Chipho phupy raihria tlyma? Pachâna doleipa eima phao noh tawhta chyhsa hmahsiepa châ va na tahpa he sasyh ta a pahno ei su u.
Saiheina chôta.
