Chyhsa 20 kiana Tuiruang chavah liata balyh a piepasipa liata chyhsa 4 ama thi

File Picture : For Representational only

Atanoh târi 20.8.2018 zâlâ dawh 1 rachhôh khata Tuiruang chavah, Mizoram liata balyh a piepasipa ta, a kiahpa chyhsa 20 hleipa liata chyhsa 4 ama thipa ta reipa a châ.

Eima biehnawh ta a palâsana dâhta, he balyh liana heta chyhsa 20 rachhôh ama kiahpa hawhta pahnopa châ ta; balyh liata a kiahpa hry liata a hluh viapazy he pachhapapuapa châ mâh leipa ei ta, ama yna chybia pahnopa châ mâh vei. He balyh he Engine hneipa, balyh lai tu leipa châpa ta, he Tuiruang chavah chakana châta chavah ngiakâ liata raihriapazy nata lyutaopazy ta ama hmâ chaipa a châ, ama ta.

He thâtih pachhuahpanoh hai nona heta heta chyhsa pano ri – Puhpa Lalpawlliana, SA, PWD nata Lalroliana, Craft Teacher, Sakawrdai H/S zy hmô hapa châ ta. Tuiruang chavah he Sakawrdai tawhta KM 3 – 4 rachhôhta â hlapa châ ta, Phone signal a y leipa hawhta eima bielana ta a palâsa.