ECM HQ NEWS

ECM Headquarters: General & Mission News

(19 Thlazoh, 2018, Khazohpanoh)

1. MODERATOR

Rev. VL. Ngaia Hlychho, Moderator ta târi 21 August, 2018 noh ta ECM Gilgal Silver Jubilee Alyna liata Jubilee Lô bô pahyna program nata bierei chakaona a hnei aw.

2. MODERATOR ELECT

Rev. C. Beima, Moderator Elect cha târi 19 August, 2018, Abeipanoh my kha ta New Colony Local Church liata bierei chakaona a hnei.

3. SENIOR EXECUTIVE SECRETARY

Rev. Dr. Laiu Fachhai, SES chata târi 19 August, 2018, Abeipanoh - atamy liata ECM Gilgal Local Silver Jubilee Alyna Program liata bierei chakaona nata Silver Jubilee Souvenir palâhna a hnei.

4. ECM ASSEMBLY OFFICE KHAWPA A CHÂ

Târi 17 August, 2018 (Friday) liana khata ECM Assembly Office cha India Prime Minister parohpa A.B. Vajpayee, târi 16 August liata thi hapa zana pamosana awpa châta khawpa a châ.


5. PASTORS’ CONFERENCE

August 29 & 30, 2018 ta ECM Pastors’ Conference, Siaha Vaihpi Achhyna O liata hnei awpa châ ta, ECM Pastor zydua ahlao khai awpa ta hnabeiseihpa ama châ.

6. REVIVAL CRUSADE HNEI AWPA

A ry liata palâsapa hawhta Ahrana Crusade (Revival Crusade) hneipa châ aw ta, thlahchhâkhei awpa ta eimâ haw:-

(i). Pihnô A. Dinia, Revival Speaker – Chhaolô liata.
(ii). St. Vabeihnopazi, Revival Speaker – Bôtlâh liata.
(iii). Kmc KT. Zawnatha, Revival Speaker nata a team ‘Immanuel’ chata Bymari Local Church liata Crusade ama hnei aw.
(iv). Rev. K. Laichhua Azyu – Bazar Local liata.
(v). Rev. Tlyzawbeihlo Lapi – Tisôpi liata.
(vi). Rev. KC. Thangching – Sharon, Chhaolô liata.
(vii). Machâ C. Heihra – New Colony Local liata.
(viii). Machâ C. Lalrintluanga – T. Salem liata.
(ix). Rev. George B. Solo – Hermon, Chapi liata.

7. SOLFA CAMP HNEIKHEI

Târi 6 – 12 August, 2018 liana khata Puhpa RC. Beilaizi Bôhia ta Immanuel Local Church liata Solfa Camp a hneikhei ei. Member zy ta ama thôkhei kaw tahpa bie daopa a châ.

8. TRIPURA LIATA MANÔH 4 BÂTI PACHÂSA

Târi 12.8.2018 Abeipanoh hmiatuapa liana kha ta Tripura Mission Field liata manôh papalih(4) zy cha Mission Pastor L. Khaily ta bâti pachâsa ei ta, Zisu Krista cha ama Beipa nata Pachhatuhpa châta amâ vaw pyh haw. Abeipa cha reithaipa ta y mawh sy. He nah châ he ta thlahchhâna liata athei tyh hra awpa ta Awnanopazy ahawpa eima châ.

9. PRIVATE O THIEHPA PAHY

Târi 17.8.2018 pa kha ta Dundrai khih liata Krizyhpa châ vei khiahma tahpa ta eima vaw pachâ tyhpa cha, O thiehpa pahy awpa ta maniah zachho ta, eima Pastor L. Khaily ta pahyna a hnei. Kô hlupi vaw paviasai ha hra sala ano liata Abeipa kyhpachâna nata china lei vei tahpa eima pahno. He chhôhkhanah he Khazohpa ta byhnâ pie mawh sy.

10. MISING MISSION

(i). Machapori liata Krizyhpa amâ vaw pôh via lai ngâ kawpa vâta ama khîhchhôh liata Achhyna O hnei awpa ama khonazy vaw tlôkhei ei ta, Missionary B. Melyjee nata K. Thompson zy ta Machapori liata Achhyna O cha âmo sôh ta sa awpa achhua ei ta, ama chô liata Mising Field moh ta alyna bie ama reih.

(ii). Tayung liata Achhyna O râh Ohmo kô hluhpi PS tao thei leipa cha atahmâ tao ngâpa châ ta, hlaotlohna ama hmô thei n’awpa ta Awnanopazy thlahchhâkheina maniah amâ haw.

(iii). Evan. M. Ngochho yna Majuli liata Awnanopazy ngiapâna liata ama laiseih thei lymâ n’awpa ta thlahchhâkhei suh vy.


9. MARALAND GOSPEL CENTENARY HOSPITAL

Târi 9 Aug-16 August 2018 chhôh Maraland Gospel Centenary Hospital report:

1). Tlâhleipa mopa zie - 75
2). Tlâhleipa admit pa zie – 58
3). Ultrasound mopa zie – 32
4). X-Ray  –  17
5). ECG mopa zie - 4
6). Endoscopy mopa zie – 17
7). Hawsaih pihpa zie – 5
8). Operation hneina zie – nil
8). Athipa - 2
7). Emergency case - 21

(Edited & Published online by Admin, MNN. Source: J.Lalvarliani, Coordinator, Communication on behalf of ECM Communication Department.)