India PM parohpa AB Vajpayee a thi
New Delhi: India Prime minister parohpa, Atal Bihari Vajpayee atanoh khata kô 93 châpa ta, AIMMS, N.Delhi liata â pahâ haw. AB Vajpayee he daihti vâropi chhôh All India Institute of Medical Sciences (AIIMS) liata mohôhpa a châ tawhta zâhnia khata a duasu â hnai viapa ta, atanoh zâlâ dawh 5 rachhôh khata a thi.
Bharatiya Janata Party (BJP) chyhsa hlôpa AB Vajpayee he târi 11 June 2018 liana khata pasana nano nanopa - Lôpo, pazô lâthlôh nata châchôhna hnaohpa pasana vâta AIIMS liata a ngiakheipa châ ta. Atanoh zâlâ khata â pahâ hapa a châ.
Prime Minister Narendra Modi nata Home Minister Rajnath Singh, zy ta zâhnia kha AIIMS liata kei tly ei ta. Atanoh lâna chhao khata Lok Sabha Speaker Sumitra Mahajan, Congress president Rahul Gandhi nata chyhsa peimawhpa nano nanopazy ta ama vaw tly ha hra.
Vajpayee heta kô 1996 khata buakha chhôh prime minister châna vaw patu ta. Kô 1998 nata 2008 liata PM châna avaw patu heih hra. Anodeikua, a hnatlâna a pha thai leipa vâta Politics he kô 10 khôpa tawhna khata avaw hniahni khao vei.
India palyupalihna â sâh chaipa, Bharat Ratna awardee he Congress chyhsa a châ leipa tawhta kô 5 chhôh PM’s office tlôh thei tua chaipa châ ta. PM a châ nota India ta Pokhran liata kô 1998 khata khizaw pahlawpa ta Nuclear avaw mohpachhi ha.
December 25, kô 1924 liata Gwalior (Madhya Pradesh) liata vaw pih ta. Vajpayee he kô 1962 liata Rajya Sabha member châta atlyhpatlohpq châ ta. Hlaphôhtuthaipa nata Politician châ pakaohpa (poet-politician) he kô 1971 liana khata Lok Sabha member châta atlyhpa avaw châpa a châ.
