Literature liata Nobel Prize daotuhpa VS NAIPAUL a thi

London: Indian-origin novelist, khizaw palyupalihna â sãh chaipa, Nobel Prize, Literature liata avaw dao hapa, chârothaipa, *Sir V S Naipaul* cha kô 85 ta uhtheipa chãpa ta â pahâ haw.

Sir VS Naipaul he zãhnia pachyh noh khata London liata a pahrâna-O liata a thi, tahpa The Associated Press chata a palâsa.

India chyhsa châ taraw ta, Britain liata a pahrã hapa, Naipaul he chãbu 30 hlei roh ta, a châbu zy he _fiction nata non-fiction_ a pahlao ta; kô 1971 liana khata Booker Prize avaw dao ha hra. Kô 2001 liana khata *Nobel Prize in literature*  a vaw dao heih.

A châbu alãluah viapazy cha, *A Bend in the River*, *The Enigma of Arrival*, *The Loss of El Dorado* nata *A House for Mr Biswas* zy a châ.

Vidiadhar Surajprasad Naipaul he kô 1932 khata Port of Spain, Trinidad and Tobago liata vaw pih ta. Oxford University liata achupa ta, Literature liata kô 50 chhôh â pachie chhôhta a daihti zydua tah thei awpa cha England liata a hmâ. Kô 1990 liana khata Queen Elizabeth II ta *Knighthood* piepa ta, *SIR VS NAIPAUL* avaw châ haw.

R.I.P VS NAIPAUL...