New Colony FC ta ama Club hlapipa Music Video palâhâh
Siaha liata Club hlôhpa nata Local Football History liata hniehnôh hnei hluh kawpa, New Colony Football Club (NCFC) ta, ama Club hlapipa (Theme Song), Music Video ama taopa cha atazâ khata, NSV Studio, New Colony, Siaha liata ama Biatuhpa MDC, Puhpa V.VB Byhnâ ta a palâhâh.
He NCFC Hlapipa Music Video palâhâhna daihti he Puhpa RC Beilaizi Bôhia, President, NCFC ta chhihthapa ta, Siaha DFA vyuhtuapazy hleikhôta N.Colony VC-I nôpawpazy ta biereina nata pasyupalihna pha kawpa hneipa ta; daihti a hmâ chhôhta Mara Idol 2017, Laihsa Merina Hlychho hleikhôta, New Colony Vaih chhôh liata hlasathaipazy ta zawpi ama palôhpahawh. Daihti he Satlia C.Andria, Finance Secy., NCFC ta alynabie reina a hnei khai tawhta pachhâpa a châ.
NCFC Hlapipa Music Video liana heta Mara Idol Merina hlychho, Mara Rapper hryta thai patlua kawpa ama tah tyhpa, Manaha Nôhro hleikhôta, Mara Rapper chhyh kaw ka thiehpa hryta pyury a hnei chaipa hrytapa, VT Serafim zy ta thai kawpa ta NCFC cheihchalo ei ta, a mo pha ta, NCFC Fans zy châta thathyuna pietuhpa thatlô kawpa a châ cheingei aw.
Music Video moh khohpa châta he lia â moh thei :
