Pihpasina ta a pahnie thei leipa Mausen khih laihsa DUTHEII
Laihsa Duhteii he Puhpa R Lalbiakliana nata Pihnô Lalvuani zy saw 8 hryta a hawti chaipa châ ta. Ama unawh he chapaw 4 nata chanô 4 châpa ta, ano he a hawti chaipa a châ. Duhtei he vâduachhih kawpa ta a pih no tawhta a khaihly leipa ta, ano khota apielyu thei leipa ta. He hawhta á khaihly lei khôlâ ta, a paw, ano kyhpachâ ngaitatuhpa Puhpa Biakliana ta kô 1981-khata avaw pahâsai ta, a nô chhao chata kô 2003-liata avaw pahâsai heih hra ta, atahmâ he a uhta R.Lalbiakzami w/o H.Zabuka, Mausen khih, Lunglei district zy o liata a y hai.
Duhteii heta siku kiah thei leipa ta, châhrasala ama khih liata Adult Education Dept hmahlana ta 'Zâ Siku' ama kia daihti khata kiah hrapa ta, chârei nata ro a thai ha hrapa a châ.
Ano he Awnanopa Programme nano nanopa pachâ peimawh kawpa, achhituhpa a hnei khiahta cha apakhy chhao tiama kawpa, apakhyna nata chareipakhyna liata chhao Hla reihtuhpa ngâchhih kawpa châ ta. Hlareipa zy he "Ei chakao thei hrana rakhapa a châ" tahpa ta a paphasa kaw tyhpa a châ.
Ama khih Mausen khih liana heta viasa richâh hnei pha kaw ta, henah sahlao heta kyhpachá ei ta, á lyna awpa tluapa ta ama chareicharâ khei ngâthlâh ha tyh. A châhta chhochhi cha lyurai hriana lâ taihta zy amâ chhi tyh.
Bible rei he paphasa kaw ta, zâ a mô chy maihta reih cheingei tyh ta. TKP Prog liata Bible reipapuana ama hneina daihti zy liana heta a reih hluhpâpa py châ tyh ta, ano mopakha heta Holy Bible he ei 5-reihpapua ha ta, he thâtih ro nona chhao he Biechhotuhpa a reih ngâhai heih.
Laihsa Duhteii heta Khazohpa ta a pôhpa a taona kyh liata nô-una awpa hnei vei tahpa ta, "Khazohpa a eihhrâh kawpa (special) ta a taopa ei châ hih" a tah tyh.
He hawhta â khaihly leina chô heta sasyh ativyna tluapa ta, a hria theipa rakha hria tyh hra ta, châhnamei zuahpa ta Mausen khihchhôh daoh liana zy ta pakhawsa pachhuah tyh ta, he hawhna heta ano mopakha angiahpa hmo zy cha y chakhyh thlâh ha leipa ta hriapapua tyh ta, kuzôthaina, palaphiehpa zy chhao a thai kaw hra.
Duhteii heta ano apakyhtuhpa 'Lunglei Chanchinthar' hiahrihna achhypa ta, "Phei ta sie thei hr'awpa he ei byuh chaipa châ ta, a chhâpa cha khoti maihta apakhy awpa ta a thao thei awpa nata Abeipa reithaipa ta lâh thei hr'awpa he eina byuh tu hapa vâta a châ" a ta.
Duhteii heta Social Welfare Dept tawhta heih akholeipazy baona Kó kha ta Rs 3000/- dao tyh hra ta, he hleikhô he cha sawhkhâ tawhta baona hropa a dao leina zie a rei.
- As Posted by Gilbert Renthlei in LUNGLEI CHANCHINTHAR FB GROUP
Duhteii heta siku kiah thei leipa ta, châhrasala ama khih liata Adult Education Dept hmahlana ta 'Zâ Siku' ama kia daihti khata kiah hrapa ta, chârei nata ro a thai ha hrapa a châ.
Ano he Awnanopa Programme nano nanopa pachâ peimawh kawpa, achhituhpa a hnei khiahta cha apakhy chhao tiama kawpa, apakhyna nata chareipakhyna liata chhao Hla reihtuhpa ngâchhih kawpa châ ta. Hlareipa zy he "Ei chakao thei hrana rakhapa a châ" tahpa ta a paphasa kaw tyhpa a châ.
Ama khih Mausen khih liana heta viasa richâh hnei pha kaw ta, henah sahlao heta kyhpachá ei ta, á lyna awpa tluapa ta ama chareicharâ khei ngâthlâh ha tyh. A châhta chhochhi cha lyurai hriana lâ taihta zy amâ chhi tyh.
Bible rei he paphasa kaw ta, zâ a mô chy maihta reih cheingei tyh ta. TKP Prog liata Bible reipapuana ama hneina daihti zy liana heta a reih hluhpâpa py châ tyh ta, ano mopakha heta Holy Bible he ei 5-reihpapua ha ta, he thâtih ro nona chhao he Biechhotuhpa a reih ngâhai heih.
Laihsa Duhteii heta Khazohpa ta a pôhpa a taona kyh liata nô-una awpa hnei vei tahpa ta, "Khazohpa a eihhrâh kawpa (special) ta a taopa ei châ hih" a tah tyh.
He hawhta â khaihly leina chô heta sasyh ativyna tluapa ta, a hria theipa rakha hria tyh hra ta, châhnamei zuahpa ta Mausen khihchhôh daoh liana zy ta pakhawsa pachhuah tyh ta, he hawhna heta ano mopakha angiahpa hmo zy cha y chakhyh thlâh ha leipa ta hriapapua tyh ta, kuzôthaina, palaphiehpa zy chhao a thai kaw hra.
Duhteii heta ano apakyhtuhpa 'Lunglei Chanchinthar' hiahrihna achhypa ta, "Phei ta sie thei hr'awpa he ei byuh chaipa châ ta, a chhâpa cha khoti maihta apakhy awpa ta a thao thei awpa nata Abeipa reithaipa ta lâh thei hr'awpa he eina byuh tu hapa vâta a châ" a ta.
Duhteii heta Social Welfare Dept tawhta heih akholeipazy baona Kó kha ta Rs 3000/- dao tyh hra ta, he hleikhô he cha sawhkhâ tawhta baona hropa a dao leina zie a rei.
- As Posted by Gilbert Renthlei in LUNGLEI CHANCHINTHAR FB GROUP
