Chanô hawti kô 12-pa ta a châ-ao pa-âsana (Heart Surgery) awpa sôh Kerela chhiena atyhpazy châta hlâ

‘Mohropa chô liata hmopha ataotuhpa cha, ano chô liata chhao hmophapa avaw tlô hra aw’ ama tahpa hawhta, Tamil Nadu liata chanô hawti kô 12-pa, Akshaya chô liata chhao avaw tlô ha hra.

Kô 12 deita uhtheipa châpa ta, a pikheipa pasana a khiakhi kawpa, châ-ao pasana (Heart Disease) hnei ta. Khihsa riethei kawpa ama châ hrapa vâta, a châ-ao pasana he pa-âsa awpa (Surgery) â ngiah tarawpa ta, sôhthih ama hnei leipa vâta rairuna amâ tyh. Châhrasala, chyhsazy baona zawzi ta phusâ tlaw 5000 cha a châ-ao âna awpa ta a hmô thei ha hra. Anodeikua, he hawhta anosasyh pasana patlâhna awpa tluapa ta a bua hai nona heta, Kerela State liata athata vâ asuahpa vâta thina leina a tlôpa thâtih chata a palôh pahnie via ha ta. A châ-ao cha-âna awpa ta sôh a hnei tlakaihpa, tlaw 5000 cha tilapia vâta rairuna atyh haipa, Kerela zawpi zy châta tlao a hlâ hapa a châ.

Châhrasala, hmopha a taotuhpa cha Khazohpa ta chhao vaw my vei! India rah liata thohna-o nano nanopa 20 zy chata, Akshaya thâtih ama vaw pahno patawnah ta, a châ-ao â awpa cha a saipa ta ama vaw tao khai aw, tahpa ama vaw pahnosa ha heih. He thâtih lychhihpa he a hnabeiseihna khô lâ a châ tlai aw..châhrasala, mohropazy châta hmopha a taotuhpa chata, hmophapa pyly a hmô lilaw ha heih tyhpa avaw châ!