Article : Marapa chipho he kheita eimâ pôh/hluh thei aw? - By Azyu Beikhokhei (Fuller)

 'CHI' hluh awpa ta cha saw eima sa /hnei hluh awpa a byuh. Cha hawh pyly chata eima moh (name) chhao Mara reih tlaita eimâ bi awpa châ ta, reih lia chhao ta Mara reih tlaita bie eima reih /hmâ) tyh awpa a châ.

Mara pa 'CHI' he chi chyhnawh kawpa nata Chi a pôh thei lei kawpa châ pi ta, Zâkô lâta census eima  sâi/mo khiahtala  thypangawh (50,000) hlei tlâ eima châ. Achhâ chaipa a châpa ta â zã lâpa ta ei pahnona dâh ta cha thokha Marapa chi zy he ta Marapa chi eima châna eimâ zakhei khiah ma I!?tahpa palôhru taihta eina pahneisa pâ ngâkaw tyh. Thokhat ta Marapa chi eima châpa âpalâikhei kawpa nata kheita ma Marapa 'CHI' he eima pôh  thei aw tahpa palôhru nata pachâna  ama hmâ ngâkaw nota..

Sâkha lâ eima za sai heih khiahta cha ''Chipho '' pahleidiatuhpa nata papôhsa thei lei tuhpa hmô awpa nata thei awpa hluhpi ama ypa ta ei pahno..

Kha zia maw? Khâpa a chhâpa châ thei aw?eima tah khiahtala sawzy vaw sa/hnei pi ta, eima saw na moh liata Mara reih hlâta Mongyu  reih nata  Tlaikao reih ta eima saw na moh zy eima bi tyhpa väta  a châpa ta ei pahno. A pamopâsana ta :- Fuller azyu, Lalmalsawmdawngzeli Khâimêichhô,Joel Hlychho, Lalduhsaka Bôhia tahpa moh zy heta Marapa châ thlâh hra sih la, eima moh bi dâh nata eimâ awna dâh heta eima Mara châna he a pahleidia hleikhôta a papuapalei kawpa ta ei pahno.

Eima moh liata mongyu reih nata tlaikao reih â hlao  tyhpa vâna heta thokha a pahno leipa zy ta cha tlaikaopa khiahma miah tahpâ ngäkaw tyh ei bao.

Census vaw la ei ta, Marapa eima châ thlâh hapa chhao ta eima moh liata Tlaikao reih â hlao tyhpa vâna heta 'Marapa' CHI' cha thy/pazaw ei ta, Tlaikao census liata maniah soh/khô pâ ngäkaw tyh ei bao. A pei thei tyh dâh he la aw!

Mara reih hmâh/(cheih) hluh la, saw eima sa/hnei  tita eima sawnah moh liata Mara reih tlaita bi la, chatanachata Marapa chi he â boh aw ta, khizaw y chhôhta Marapa chi' cha y aw ta, â pôh via lymâ aw..

A chhâ chaina liata ei reih khoh kawpa, bie sâkha eima pahno awpa nata a peimawh kawpa cha khâpa function chhao rai châ sala  - pamopâsana ta :- M.S.O fresher daihti liata  announcer's (host) cha tlôsaih reih a thai cheingei awpa a châ..

Hyutuhpa zy chhao ta secretary ta ama raopa cha Tlôsaih reih a hmâh theipa nata Marapa a châ awpa a châ.

Eima 'CHI nata Mara' moh â bohna cha nâ nata kei he eima châ.

Mara reih hmâh hluh la, a thaileipa zy pachu via lymâ sihla .. Chatanachata,  chhâ avaw y lymâ awpa lia chhaota Mara "CHI" cha lei leipa aw ta, tlao eimâ pôh via lymâ aw.