FOOTBALL : Juventus ta Ronaldo goal 2 hmâpa ta pahniena ama to

Cristiano Ronaldo ta goal 2 khôpa ta, Serie A hmiasahtuhpa Juventus ta si ama phaoh tawhta vaw thyu pathi heihpa ta Empoli cha 2-1 ta ama pahnie. Juventus ta atahmâ Season liata pahnietuhpa â tyh mâh vei ei.

Empoli heta Francesco Caputo hmâpa ta hmia a zãh sa ei ta. 1-0 ta Juventus he ama pahnie via chy.

Châhrasala Juve Captain Paulo Dybala cha Empoli player Ismael Bennacer ta a papaopa vâta penalty cheih ei ta, he he Ronaldo ta goal lâta a pachâsa.

Juve ta nopi a pasiena daihti liata £99m ta ama lapangiapa Ronaldo heta, Juve goal 2-na nata ama tlôna goal cha 25-yard ta â hlapa tawhta za khôpa ta, point 3 ama hlao papua ha heih. Juve heta khaih 10 liata ei 9 tlôpa ta, ei 1 a draw ei ta, point 7 ta hmia amâ sah hai

Ronaldo heta khaih 12 tawhta goal 7 khô ha ta, Juve châta tha a thyu hluh kaw bâ heih.