Mara thyutliapazy hâdypa Artificial Grass phawna rai hria lymâpa a châ

Mara thyutliapazy hâdy kawpa, Siaha Meisatlâh laikathi, SSB Field liata sipo nohthlahpa, Artificial Grass phawna rai cha a chatlie kawpa ta hria haipa a châ.

He Artificial Grass phawna rai he nohkhih pha leipa vâta daihti vâro tlai rai hmahsie thei leipa ta a y tawhta, avâ-lei vaw hi ta, nohkhih avaw pha tawhta atahmâno he sipo nohthlahpa phawna awpa tlyliah cha patohpatia haipa châ ta. Sipo nohthlahpa he thlaita ama phaw thei na ta pangiasapa a châ.

Kô 2017 MADC Atlyhna liata Mizoram Sports Minister Puhpa Zodintluanga ta bie âvaw taih hapa hawhta, Congress sawhkhâ ta NEDP sôh hmâpa ta he tlyliah taona rai he hria haipa chá ta; hâkô 2019 tawhta cha eima thyutliapazy ta sipo nohthlahpa chô liata Football amâ khaih hmâ cheingei bâ na ta a hnabeiseihpa a chá.