SIAHA DISTRICT JAIL LIATA MSO ADUANA EI 53-NA ALY

Atanoh târi 04.11.2018 (Pahânoh) dawh 2:00pm khata MSO Gen. Hqrs liata chhithatuhpazy ta District Jail, Siaha liata â tâhpazy nahta MSO DAY ama hmâhkho.

He daihti he C.H. Beikhochhi, V/President ta pahnie kawpa chhitha ta, Daihti pavaosana cha John M. Beilaisei, Secy i/c SW ta a hmâh hra. Daihti pavaosana khai tawhta K. Vabeichhitha, Secy i/c I & P ta chhithatuhpa ahlao theipazy hmiapahnosana daihti a hmâh.

He daihti liana heta Jail liata ypa hry tawh nata chyhsa nano nanopa tawhta bierei nathliepa a châ.

LD. Vabeihruasa, President MSO (H) ta, _Education lâta cha Primary tawhta University he Achuna a châ. Thokha ta Jail he hriena su hawhta pachâ ei ta, châhrasala Jail he sapa nata thlahpa lâchhâ hmasie via n'awpa ta apachuna su a châ. Atanoh he su liata y chy hra ula nohhro nama vaw pua daihti deikua chhôhkha nata nawhta zy hroh chhithatu awpa nama châ aw._
_MSO he khâ maniah â thei tyh hra ula, he su tawhna heta nama saw nata nawhtazy hnohta achuna lia tiama papua via lymâ awpa ta khâ nama pasyu tyh awpa ta ei châ haw ei._ tahpa ta a reih. He a biereina lia heta Jail liata Mara Hlabu nata Biehrai zy ama hnei tlâ leipa vâta Mara Hlabu nata Biehrai chhao MSO ta a pie cheingei aw tahpa bie ataih hra ei.

Chairman, Evangelical Free Church (District Jail) tawhta bierei nathliepa châ hra ta, _District to liata Jail y hôlô ta, ama reih chyu ta chakaonazy ama hnei tyh hra. Cha nota eima râh liata chhao Jail y hra ta, keimo deikuala eima reihta Abeipa reithai ta chakaona hnei hra n'awpa ta Mara Hlabu nata Biehrai chhao hnei ma pi, he kyh liata MSO ta hmah miah lakhei thei ula, eima nôpaw nah hnohta chhao maniah reipa kaw muh vy, eima Mara awnanopazy chhaota hmah miah lapa ei sala tahpa eima kho kaw._ tahpa ta a reih.

He MSO DAY Ei 53-na daihti hmâna lia heta Biereituhpa nano nanopa tawhta ama bierei nathliepa châ ta, Vasty Azyu, ECM MSO (H) ta hlata chakaona hnei hra ta, manôh a hlaopazy miah a pahnie kaw sai hra. Tovyuh nano nanopazy taopa a châ khai tawhta CH. Beikhochhi, V/President ta thlah a chhâ khai tawhta Bei Zisu thlahchhâna reipa châ ta, âkhi lei kawpa ta daihti pachhâsapa a châ.

Atahmâ duasu liata District Jail, Siaha liata y ngâhaipazy he chyhsa 79 rachhô châ ei ta, ama yna su liata Fellowship nata Welfare â padua ei ta, chakaonazy ama hnei tyh hra tahpa biedaopa a châ. Cha nota Jail liata hmâh awpa hmobaoh peimawhpa ama hnei tyh hrapa vâta bao amâ ngiah zie reih ei ta, He kyh liata eima Awnanopa nata mopakha, Py nata ahrpz tawhta bao amâ ngiah hmeiseih.

Atanoh MSO Gen. Hqrs, Siaha ta daihti a hmâkheina liata zâlâ âhmie awpa Vaosa KG hluhpi MSO DAY EI 53-NA alyna châta hlâ ei ta, Jail liata MSO DAY alyna daihti cha aly kawpa ta pachhâpa a châ. Cha khai tawhta MSO Gen. Hqrs liata Chhithatuhpa ahlao theipa zydua President Dinner cha aly kawpa dôhkhona hneipa a châ khai tawhta MÂ PHA SY tahpa ta atanoh châta MSO DAY alyna daihti zydua cha pachhâpa a châ haw.


*_MSO Vyhphao Info._*