Bihar : A lahpinô cha a ngai â si chyh tu hapa vâta achhaih awpa a chhuah

New Delhi (Sputnik): Bihar liata paw pakha chata a lahpinô cha a ngai â si chyh tu hapa vâta Patna court liata achhaih pasaina tlôkhei tahpa Hindi newspaper Dainik Bhaskar ta a palâsa.

He chyhsa heta Court liata a reina liata, "A ngai a si leipa hleikhôta, a luh chhao padi beih hra vei" tahpa ta, "He vâna heta a roh a chhie ngâsâ tyh. Heta la a kiah lia y thei ngâsâ khao vana, tlâ achhaih sala a pha via aw," a ta.

A lahpinô heta ama paw hmahlana a pahno patawnahta National Commission for Women (NCW), kô tlôpa ta, a vahpa heta a taola tyh tahpa ta a tlôkhei heih hra. NCW heta a vahpa he ama hmiakô liata â reihpasia awpa ta ama pahnosa ha hra.

A vahpa heta NCW hnohna heta a lahpinô he kô kha a khô hapa liata a hneipa châ ta, anodeikua a ngai â si chyh tu hapa vâta ra tyh ta; he vâna heta amâ hryuhpâ tyh hra, a ta.

A ngai â si chyh tu hapa vâta Hri taihta hnei ta. A luh padina awpa Shampoo a chaleipa hra cha, a luh padi leipa ta pohphaw pasuna awpa ta tlao a hmâh chhyh ha, a tah hra.