Tipi Ferry : Siaha Vaihpi satlia thyudyupa ti liata tlasao

Atanoh târi 26.1.2019 zâlâ dawh 4 rachhôhpa khata Tipi Ferry liata Siaha vaihpi satlia thyudyupa, Vanramngai S/o HC Beihrosia, Siaha Vaihpi-I cha vâduachhih kawpa ti liata a tlasao.

Biedaona ta a palâsana dâhta St.Vanramngaia he Tipi Ferry hleidy laikathi liata apiepasi tlamawpa ta, ti liana heta tlasao ta; a ri he a tla tawhta rei leipa liata hmôpa a châ. Ano he Py 12 achuhaipa a châ.

Satlia Vanramngaia zy he Salvation Army Awnanopa liata a ypa ama châ.