Game alaluah kawpa PUBG Games pakhâ

Atahmâhlâ ta Online Multiplayer game alâluah kawpa nata pahaw nao kawpa, PUBG cha Gujarat state sawhkhâ chata pakhâ awpa ta pahnosana a papua haw.

Gujarat sawhkhâ chata ama State chhôh liata achuna liata biehneituhpazy lâta pahnosana papuapa ta, atahmâhlâ ta online multiplayer game alâluah kawpa, ‘PlayerUnknown's Battlegrounds’, PUBG pakhâ awpa ta pahnosana a papua.

Gujarat state primary education department heta Gujarat State Commission for Protection of Child Rights ta pakhâ awpa ta pahruana ama tao tawhta PUBG he ama pakhâ hapa a châ. Gujarat ta ama pakhâ hlâna heta Jammu and Kashmir liata achuhaipa pyzy ta PUBG Mobile vâta Exam Result athata a raonazie reihpa ta pakhâ awpa ta hmah ama vaw la ha hra.

He hleikhôna heta PUBG Mobile Game he National Commission for Protection of Child Rights chata India râh pôhpalôhpa liata pakhâ awpa ta tlâh avaw awhkhei ngâkaw heih hra. NCPCR heta India râh State nano nanopa hnohta châ paphaopa ta, PUBG pakhâ awpa ta ahawna ama tao ha hra.