MTP GEN.HQ : SIAHA TA REPUBLIC DAY 'BOYCOTT' AW

Mararâh liata veiseihpa py lai chaipa, MTP Gen HQ Siaha OB Emergency Meeting atanoh târi 22.01.19 pa ta hneipa chata Citizenship Amendment Bill-2016 chôchâh liata Lok Sabha liata 'pass' lei awpa ta NESO ta â hawna cha, uasa chhao hlao leipa ta passed-pylypa a châpa vâta MTP Gen.HQ chata he CAB kholeina palâsana châta Siaha liata Indian Republic Day â hmâ awpa cha 'boycott'-pa châ sala tahpa ta bie a pathlu.

Atanohta atyuhpahmaohna liana heta, NGO Co-ordination Committee Aizawl Mizoram ta Indian Republic Day 26th January 2019 BOYCOTT awpa ta târi 21.01.19 nohta avaw pathlupa cha, MTP Gen HQ Siaha chhaota a pha tahpa ta, he hmahlana he MTP chhaota â pyhkhei tahpa palâsapa, he CAB kholeina palâsana châna heta Siaha District chhôh lia chhaota, Republic Day he hmâpa a châ lei n'awpa ta, BOYCOTT-pa châ sala tahpa biepathlupa a chã.

MTP Gen HQ chata Siaha District chhôh liata zawpi zydua R-Day liata pua tlâ lei awpa ta nata tovyuh ahneipa zydua chhao ahlao tlâ lei awpa ta â hawpâ hra.

He hleikhôna heta târi 23.01.19 liata MZP pachhuahpanohpa ta he chôchâh kholeina lâthlôh amâ chhih awpa chhao MTP Gen HQ Siaha ta a pykheih ta tlokhuh â pyhkhei tahpa ama phuahpâ hra.

He chôchâh hmahlahpazi n'awpa pachâpahmao heih awpa ta MTP Gen HQ, MCHP HQ nata MSO HQ OB zydua Joint Meeting hneipa châ mawh sy, ama tahpâ hra.

Biehnawh : CL Hranga, MTP Gen HQ : Siaha