Chapaw hawti kô 6-pa feet 200 ta â pathuhpa khaoh liata tla

Zâhnia Pohbie noh târi 20.2.2019 zâlâ khata Pune khihpi tawhta Km 70 ta â hlapa, Thorandale khih liata chapaw hawti kô 6-pa cha khaohmatlô feet 200-ta â pathuhpa liata tla tlamawpa ta, he thâtih pachhuahpanoh hai nona heta pachhapapua mâh vei ei.

He hawtipa pachhapapuana rai he National Disaster Response Force (NDRF) chhihthana ry liata siekheipa châ ta. He thâtih pachhuahpanoh hai no taihna heta cha chapaw hawtipa heta khôtho lâ tawhta bie amâ chhopa kaw chyh-eih lymâ chy ta, dawhty zy ta ama mokhâh thlâh ha hra.

He chapaw hawtipa, Ravi Pandit Bhil, he zâlâ dawh 4.30 pm rachhôhta a palaopalâna liata he khaohmatlôpa liana heta tla tlamaw ta. A chhôhkhazy ta ama vaw tluapa cha, he khaohmatlôpa tawhna heta a kaw chyh-eih hapa ei a châ.