ECM KTP PAKHYPI EI 63-NA TIPÂ LIATA HNEIPA A PAI HAW

TIPA, 4th Hmypi, 2019, Hriatuanoh(MNN)  – Evangelical Church of Maraland ry liata Fellowship Department peimawh kawpa Krizyhpa Thyutlia Py Pakhypi ei sycharu nata ei thôh-na (ei 63-na) cha Thytu Tlâpyu Byureih, Tipa Tlylia liata ahmâpa châ ta, atanoh kha Pakhypi paina noh châpa ta apalâ kawpa ta ahmâ patlôpa a châ.

KTP Pakhypi he târi 31st Nawh, 2019, Pobienoh kha ta tlôpa châ ta, noh 3 chhôh a ôpa a châ.

Atakô Pakhypi liata eima râ nôpaw MDC manôh 8 hmia hmôpa châ ta, he hry liata biatuhpa Puhpa F. Lawmkima, EM i/c Forest nata Puhpa K. Siakhai, Adviser to CEM zy chhao ahlao ei ta, Puha K. Chhuabei, EM i/c PWC etc. chhao Abeipanoh hmâpa ta Pakhypi he â hlao hra. Tipa MLA biatuhpa  Puhpa KT. Rokhaw chhao âhlao thei hra.

ECM KTP ta Delegation a taopazy chhao ahlao thei ei ta, cha nahzy cha MTKP, CKTP, LIKBK KTP, CCI(M) KTP, MEC KTP zy ama châ. Hlapy chhao ama tlôthei khai hra.

Eima Pastor nata ECM Assembly ry liata hriatuhpa official zydua maluh 124 tlai ama tlô thei hra.

Rev. Dr. Laiu Fachhai, Moderator, ECM Assembly nata Rev. VL. Ngaia Hlychho, Moderator zy chhao he Pakhypi he pachâ peimawhpa ta ahlao chyu hra ei ta, tovyuh ama piepazy chhao apha kawpa ta ama pabie thei chyu hra.

Pakhypi chhôh Speaker châta Rev. Thylua Hlychho, Moderator Elect, ECM Assembly hmâpa châ ta, biepipa PADUAPATHINA bie hmâpa ta bietana a reipa cha thyutliapazy amâ thôhkhei ngâsâpa ta pahnopa a châ.

Târi 1st Hmypi, 2019, Chutynoh kha ta ECM KTP ry liata ryureina sâhchaipa cha, T. Salem Local Church, Tipa liata hneipa châ ta, kô 2018, Phiapi thlâpâ pa ta New Colony Local Church liata “Executive Committee” Meeting ta a vaw pathlu hapa zydua he Ryureina liata tlôkheipa a châ.

Bie pachiapa zydua 19 y ta, he liata sâkha ngâlâh apykhei leipa  a châ.

Ryurei biepathlupazy hry tawhta apeimawh viapa thokhazy:-

1. Chakaona châta 2-wheeler vehicle chalei awpa.
2. Inter-branch Bible Quiz competition hnei awpa.
3. Inter-branch Choir competition hnei awpa.
4. Agape home mohôh-na châta Rs.10,000/- pie awpa.
5. Kô 2019 chhôh liata “ECM KTP Chhihthana” achuna hnei awpa.
6. “Paritheipa adyuhna” châta biepipa hneipa ta Vehicles Rally hnei awpa.
7. Eima branch ôna chyu liata Heih lyuleipa - Differently Abled Persons(Physically Handicapped) zy chata siepapuana hnei chyu awpa.
8. Bible reipapuana hnei chyu awpa.
9. Dawh 24 chhôh ta eima thyutlia lâhpa, paritheipa seichâna liata atâh haipazy châta thlahchhâ awpa.

MALUH REINA & REPORT TLÂHPIPA:-

Atakô KTP Pakhypi he Tisi Pakhypi 2017 hlâ tlôpha viapa châ ta, maluh lâ deikua ama chyh via. Achhâpa cha Pakhypi maluh apa-hluhsa tuh tyhpa Tipa Town Branch zy reipâpa ama châ khao lei vâta a châ. Ary liata Maluh Reina nata Report tlâpipa palâsapa a châ:-
1. Maluh :
*2,357 = Chapaw*
*1,167 = Chanô*
*3,524 = Total*
(sâhkha,  zapawngawh, syno nata papapalih)

2. Branch atlô theipa = 72

3. Hlapy ahneipa Branch = 64

4. Khichhai atlô hluh chaipa Top 3 zy:-
(i) New Colony = 119
(ii) Siaha Vaihpi = 107
(iii) College Vaih = 103

5. Stage liata Hlapy aduah hluh chaipa Branch Top 3 zy:-      

Top 1 –  Siaha Vaihpi
Chapaw = 44
Chanô = 48
Total = 92

Top 2 – New Colony
Chapaw = 57
Chanô = 34
Total = 91

Top 3 – College Vaih
Chapaw = 47
Chanô = 42
Total = 89

Atakô KTP Pakhypi liata ngiatlâh châpa Thokhazy:-

1. Pakhypi chhôh ta zikyu râna bie nata Pakhypi patypamâ thei awpa hmo sâkha hmah y vei.
2. A ei khana(ei 1-na) châta Steward/Usher nahzy ta ku thliethlâpa ta apielyupa ta zawpi ama mohôh.
3. Photo shooting Backdrop pha kawpa, a ei 1-na châta taopa a châ.
4. Mara tradition nata culture pamosatuh awpa Archive Gallery taopa a châ.
5. Pakhypi pahyna châ ta Fireworks taopa châ ta, he he a ei 1-na a châ hra.
6. Pakhypi ngiana (Mascot) cha Byureih angiana Gate avaw pazipa liata alai kawpa ta palâsapa a châ.
7. A ei 1-na châ ta Stage nohky liata LED Video Wall Panel hmâpa a châ.
8. Kraws Pheisaih, maniah hrolâh chhôhpa nata eima Missionary ta a Ordained pa Rev. C. Thalai cha Pakhypi ahlaopazy hry liata paw Pi chaipa châ ta, Mara Thyutlia zydua châta byhnâ aw thlahchhâna a hnei.
9. Opening Ceremony châta Stage taopa backgroup wall chhôh liata Biehrai bie rohpa a châ.

ECM KTP Pakhypi he kô 2 padai ta hnei tyhpa châ ta, aheihpa cha kô 2021 liata hneipa châ aw ta, atlôtuh awpa cha ECM KTP Branch: New Laty a châ aw.

Atakô Pakhypi cha Tipa Pastor bia ta patlô ei ta, Tipa Town chhôh liata ECM Awnanopazy ta pahnie kawpa ta khichhai tlô chyu ei ta, khichhai avaw tlôpazy ta kao totie liata amâ ly kaw tahpa bie daopa a châ.

_(Report rohtuhpa: BeiRôkhu Beitâ)_