MP : Police-zy ta chanô a pachupa vâta Awhkhypa ama patu!

Madhya Pradesh liata Shivpuri police station liata nô pakha ta Awhkhypa sâkha ta a sawchanô a tlahnaopa vâta FIR avaw pangiapa chata Police-zy a palysa kaw, pahneih leithei vei ei.

Awhkhypa nata a hneituhpa he thlai police station lâ awpa châpâ ha ei ta. Anodeikua Awhkhypa hneituhpa bie ama hiahrihpasia tawhta amah mo hmôpapuapa cha, Awhkhypa heta chanô he eikha deita a pachu, tahpa a châ.

Châhrasala he FIR pangiatuhpa, Pihnô Poonam  Kushwaha heta he Awhkhypa heta a sawchanô he eikha dei pachu leipa ta, chapiepâ ta, athata a tlahnao tahpa ta khâchâ a bie liata â duahpa ta, Awhkhypa cha a O liata hraikhô awpa ta khâchâ â hnaw.

Kushwaha chata, he hleikhôna heta he awhkhypa he biesakâ eima vaw tyhpa châ ta, he he a papeisa leipa ta a sawchanô he a tlahnao pyly, a tah hra.

He nô heta, "Ei sawchanô pôhpa liana heta he awhkhypa ta ku a pathlana hropa hmô awpa he khoh khao va na, ei daotheina ta a pha khao vei" tahpa ta Shivpuri Police zy cha athata a chho ei.

Châhrasala he awhkhypa hneituhpa ama opapazy chata, ama awhkhypa lô-o liata khô awpa hlâta cha âmo cha tlao â tâh awpa ama khoh via, tahpa ta, saw lei nawh leipa ama châpa vâta awhkhypa cha ama sawchapaw hawh tlupo ta ama mothaipa a chânazie ama rei hra.

Daihti vâropi chhôh Police-zy nahta ama reipahmaoh tawhta, Awhkhypa hneituhpazy heta ama awhkhypa cha a o liata khâchâ ama hraikhô bâ aw tahpa bie amâ taih tawhta ama pai thei hapa a châ.