'Keima hlâta India râh kyh na pachâ via' - Nitika (A vahpa Kashmir liata ama kasao hapa)

Major Vibhuti Shankar Dhoundiyal, ri cha vâsâhna nata palôh pasana zydua phaohna chôta pathliepa ta, Nitika Kaul chata a pasa taona cha nyuthu awpa â chhuah ngaita kaw. A vahpa ri ama paziana thobyh cha hmiachhypa ta, ri byh liata a vahpa hmi, hrona hnei khao leipa cha za mohpa ta, "Kyh ei cha pachâ na tah chi ta khazia na haih. Keima hlâta India râh kyh na pachâ via tah tyh. Hiatliana ta bie na ta, tao thai a ru ei tah hmeiseih" tahpa ta vâsâhna ao dei a papua!

Major Dhoundiyal (34) he atahmâ hâta Hriatua noh liana khata Pulwama district liata maheipazy nahta amâ kana liata hrona pahlei ta. Hriatua zâ bawlaw khata Dehradun, Nashville Road liata ama pahrâna O liata a ri he ama za tlôkhei hapa a châ.

Vâ suana hryta a lahpinô Nitika chata a vahpa ama paziana ribyh cha hriapa ta, a vahpa hmia cha za chamao heih ta, a mothlih za hrupa ta, a chhâ n'awpa ta a vahpa hmao cha za sy ta; "Eima zydua ta kyh eima cha pachã. India zawpizy châta na hrona na vaw hlâ haw…na riahphana he my beih aw ma pi" tahpa ta a kyhpachâpa, a vahpa ri cha a chhâ n'awpa ta a pathlie hapa a châ.