'Ei pâ la Jammu liata Duty ta, siku na pakiasa awpa ta avaw tlô heih aw' - Gurprakash Sing (kô 5)

A nô nata a manô, vâsâh kawpa ta ama cha ngâpa cha noraih kawpa ta moh thlâh ha ta. Kô 5-ta uhtheipa Gurprakash Singh ama O chhôh liata khãpa ma vaw tlô tahpa rai pahnothai vei. He chapaw hawtipa palôh pathaih kawpa ta a pahno chhôhpa cha a paw cha pheisaih châ ta, Jammu liata 'DUTY' hai ta, kô 5 a tloh hapa vâta siku pakiasa awpa ta thlaita a paw cha avaw tlô aw, tahpa deita cha a châ.

“Ei pâ la Jammu liata a Duty hai… thlai ta avaw tlô aw. CRPF châ ta. Eima chhôhkha châta phusâ hlao awpa ta Jammu liata a y hai..,” tahpa cha a pakah ta a reipa, a palôhta a pahnopa cha a châ.

He chapaw hawti Gurparkash he CRPF head constable Jaimal Singh sawchapaw châ ta; maheipazy ta Pulwama liata bus ama tlahnaona liana khata a paw cha a thipa hryta ã hlao tahpa rai pahno vei.

Gurparkash paw, Jaimal Singh he târi 14 February liata Pulwama liata Jaish-eM maheipazy ta thithlupa bomb hmãpa ta ama tlahnaopa Bus haohtuhpa kha châ ta, Bus kha Bomb 350 kg a phaohpa SUV motor t la a supa kha a chã.

A paw, Jaimal Singh saduthliena liata a y chhôhpa cha - a sawchapaw ta achuna pha kawpa a hnei thei n'awpa cha châ ta, he vâna heta February thla chhãna lâta Chandigarh lâ â pasie awpa ta pachãna nata achhuahnohna a hnei hai no a châ.

Ano hmahta siku phapa liata â chu thei leipa cha a sawchapawpa chhâ tahpa ta a pachâna tlokhuh a hmâh tyhpa a châ.

Sukhjit Kaur, Jaimal Singh lahpinô chata “Atahmâ thla chhâna lâ he Chandigarh lã eimâ pasie aw tah pi ta. Siku thiehpa liata eima sawchapaw he kiah sala khoh ta. Eima sawchapaw he kô 18 eimâ hnei tawhta vaw pihpa a châpa hmaihta khizaw liata a sawchapaw tluta kyh a pachãpa y vei ei. Kheita ma Gurparkash he a paw a hlao leipa khizaw a kaw hmâh laih aw tahpa rai pachâ ngâh vana,” tahpa mohthlih chhaota a sawchapawpa cha moh leithei vei.