Laureus Award 2019 : France football team ta ‘Team of the Year Award’ dao

Monaco, Feb 19 (PTI) Tennis thaipa Novak Djokovic, Gymnastic liata alâluahpa Simone Biles, golf chyhsa rônahpa Tiger Woods nata World Cup champion French football team cha atakô 2019 liata khizaw Sports liata palyupalihna â sâh chaipa Laureus World Sports Awards liata palyupalihna â sâh chaipa a daotuhpazy ama châ.

Djokovic heta Kylian Mbappe, Eliud Kipchoge nata LeBron James zy chhaopa ta Laureus 'World Sportsman of the Year Award' dao ta.

Gymnast Simone Biles cha 'Sportswoman of the Year' ta atlyhpa châ ta. FIFA World Cup 2018 champion France cha football team hryta “Team of the Year Award” dao tua chaipa châ awpa ta Mercedes AMG Petronas F1, NBA team Golden State Warriors nata Real Madrid zy chhaopa he palyupalihna he hlâpa ama châ.

Japan laihsa, US Open nata Australian Open nyungiapa chalotuhpa Naomi Osaka ta 'Breakthrough of the Year Award' palyupalihna la ta . Golf khizaw liata mopahreihpa Woods chata 'World Comeback of the Year' Award a dao hra.