Premier League : Manchester City 6 - 0 Chelsea

Sergio Aguero ta 'hat-trick' taopa ta Manchester City cha  Premier League chô chai lia ama kaw y ha heih. Man City heta ama khichhaipa Chelsea cha Etihad Stadium tlyliah liata 6 - 0 ta ama vaw pahnie.

Pachyhzâ khata Liverpool ta Bournemouth ama pahniepa vâta Pep Guardiola nata a nawhtazy châta cha Chelsea pahniepa ta, Liverpool hmia asahna chhu pakhua heih awpa cha ama tao hialia awpa tahpa ama pahnopasia kaw.

Man City heta 1st Half minute 25 chhôhta Chelsea kao chhôh liata goal 4 ama za khô hmâ ha! Kô 1991 liata Nottingham Forest ta 7-0 ta ama vaw pahnie nopa kha Chelsea heta a kaw theipapua leithei thlyu vei ei.

Man City heta minute 4-na tawhta goal he khô pathao ei ta. Minute 4-na liata Raheem Sterling ta City hmia a sahna he za khô ta. Aguero ta minute 13 nata 19-na liata za khô heih hrapa ta, a 'Hattrick' taona goal he minute 56-na liata a za khôpa a chá.

City goal hropazy he  minute 25-na liata Gundogan nata minute 80-na liata Sterling ta ama khôpazy ama châ.

Zahnia zâ liata hattrick a tao heihpa vâna heta Aguero he Premier League thâtih liata 'hat-trick' tao hluh chaipa a châpâ ha hra.

Premier League thátih liata Hattrick tao hluhpazy :

11 Sergio Aguero, Alan Shearer
9 Robbie Fowler
8 Michael Owen, Harry Kane, Thierry Henry
7 Wayne Rooney
6 Luis Suarez