Sahma chhiepa vâta athipa zie cha 116 ama tloh haw
Uttar Pradesh nata Uttarakhand
liata sahma chhiepa ama dohpa vâta hrona a pahleipazie cha 101 ama tloh ha haw.
Zâhnia Abeipa Noh khata Uttar
Pradesh liata sahma chhiepa a dohpa hryta chyhsa 6 thi baichhi heih ei ta;
Uttarakhand liata chyhsa 3 thi heih hrapa ta, sahma chhiepa a dohpa vâta a
thipa zydua cha 116 ama tloh ha tahna a châ. He hawhta a châ nona heta chyhsa
hropa thohna-O liata mohôh haipa 28-zy cha ama duasu a pha lei kawpa hawhta TOI
chata a palâsa.
He sahma chhiepa vâta thina a tlôpa
chôchâh liana he Politics liata a tlahnaona châta hmâpa châ hai ta, Samajwadi
Party (SP) nata Bahujan Samaj Party (BSP)-zy chata State mianopa liata ryurei
haituhpa BJP sawhkhâ cha maochhie ei ta; he hawhta a châ nona heta UP CM Yodi
Adityanath chata he hmo sawhkhâ teiparuna (Conspiracy) a châ tahpa ta
Opposition Party zy cha a tlahnao hra ei.
No comments