Cancer pasana vâta a vâ-ianô cha daihti hnei hluh khao hra vei sala a lahpinô châ awpa a hrua

Thi cheingei na awpa pasana vaw hnei hapa châ la, daihti chyh ta ngalah hroh hmâ n’awpa daihti hnei hapa châ la, khâpa e na tao aw? Khotly awpa sôh kaw aw ta, thokha châta cha nohlychhiki raithli palopa ta pachârôh kawpa ta y awpa â ngiah aw ta; thokha deikua chhyu kawpa ta ama daihti hnôh chaipa cha a pha thei chaina hawhta hmâ amâ chhuah thlyu aw.

Wales râh liata chanô chhyu kawpa pakha ta cha a daihti hnôh chaipa, a hro a hmâ thei n’awpa daihti hnôh chaipa cha a pha thei chaina hawhta hmâ awpa ta khotlyna taopa ta, a hro ta a hneipa nata a daihti nata noh zydua cha a pasana a khiakhi kawpa pahniena awpa châta a hmâh hleikhôta, hrochhôh a kaolâh awpa ta a kho kawpa, a vâ-iapaw nahta dyhchâ khôphei kiahpa ta hro lyna â huah pakhua ha heih.

Cancer pasana vâta a thi ha awpa, Amelia  Page, kô 30, Anglesey, North Wales, liatapa cha khizaw ta thaphana zydua a pie theipa a hnei khai tah leitheipa châ vei! A khopaw Luke Skinnader, kô 27-pa chata, avaw saduthlie pha leipa nata ramâ lâ chhaota avaw khaih pha leipa patlôsapa ta, Llanddona Beach liata Feb. 2 khata hrochhôh liata a kiah liata daihti hmâ awpa ta kusadi chhaota a hmia liata a pakhu paneihpa ta, “Eina hnei khoh chi ma?” tahpa a hiahrih haw! Chanô zydua saduthliena chata thaphana pie leithei vei.

 Luke chata a hmiakô liata chanô a tlaichhai chaipa nata a kho chaipa, kyh a pachâ chaipa mokhaoh liana chata mohpa ta, a kyhpachâpa Amelia cha “chanô â vaw tyh hapa zydua hry liata chhyu chaipa nata chyhsa hro pahnie chaipa na châ,” tahpa ta lyuhbie hlâpa ta, ano cha vahpa châta hneipa ta, “Khizaw liata chapaw thapha chaipa châ awpa ta ei kiah lia hrochhôh vaw hmâ ma y.”tahpa ta ahnei awpa ta a hrua.

Thaphana nata apahlawna ta a biepa, Amelia châta cha tluta hmo khochhihpa nata tlaichhai a chhihpa cha y tlai aw vei! Thlai chyh-eihpa ta, Luke cha “Hrochhôh châta ei cha hnei aw” tahpa ta âhawna palôh hria kawpa cha â vaw pyh ha hrapa a châ.

Amelia chata, “Ei Cancer pasana vâta Chemo ei pathliahpa chata ziza chakuapa â zie leipa vâta ei hmiaphaozie chhao panano thei vana,” tahpa ta, “Ei palôh chhôh chaipa liata deikua alyna vâta ei cha ngâkaw.”tahpa ta â lyzie a rei.

Amelia he Converse pheiky khoh kawpa chanô châ ta, he he Luke heta khâchâ a pahnopa vâta ahnei awpa ta a hrua nona heta a palôh palysa via heih awpa ta, Converse pheiky taotuhpa Company CEO, Davide Grass, cha bie a chhopa ta, Amelia châta  a eihhrâhpa ta Converse pheiky tao awpa ta vaw chho chhielie khai ha ta. Ahnei awpa ta a hrua hlâta heta he pheiky he a piepâ hra.

Luke nahta Amelia zy amâ vaw tyh tuana dâh chhao he palôh a pahnie kaw — Amelia he Dubai liata chyhsa deichhy a ngiahpazy deichhyna rai hriapa ta y ta—Luke deikua sôhdaohna Company liata hriapa ta, Ireland tawhta Dubai lâ siepa a châ.

Luke chata amâ tyh tuana dâh reihpa ta, “He Dubai ei ngaipa he ei hro liata Amelia âvaw luah tuana nata ei tyh tua chaina a châ, ei byhnâ daopa he miakha miakha ta reih lei thei vana!,”

ZâkôApril 2018 liana khata Luke heta Dubai cha za tlô ta — thopi daoh miakha liata â pahâ nona chata a hmô tyhpa hnazô  a phaohpa châ sala a ngiapa chanô pakha â tyh haw. Cha chanô, khahlâ tawhta avaw pahno hapa hnazô a phaohpa cha ahy hropa châ leipa ta, Amelia tlai he avaw châ. Hiahvâ sâhmia patipatyhpa ma ama châ ha tly?

Luke nata Amilia he satlia nata laihsa apakyhna website/App miakha, Tinder liata bie a chho pazaopa ta, Luke chata thlai Tinder tawhta a chadaipazipâ pa ta, “He zâ ta Tinder liata Amelia bie a chho heih awpa ta ei zâ ngiapa cha Amelia heta Tinder App vaw delete ha ta, vaw hmâh khao vei tahpa za hmôpâ ha na ta, pei ei tah muarua kha la aw” tahpa ta, “Châhrasala vâhneichhih kawpa ta Facebook tawhta bie a chhona dâh ei hmô pakhua ha heih.”

Facebook tawhta tlua lymâ heihpa ta, facebook tawhta apakyh lymâpa ta, ama likah liata kyhpachâna paw cha â ngia kawpa ta avaw pawh papua hapa a châ. He rakha tawhna heta cha “khizaw thiehpa” liata ama y ha bâ!

Chô Hiahvâ sâhmia patipaty hapa hawh tlaita â ichapa ta khâchâ â kao ei ta, ama likah liata khâpa hropa rai charei khao vei. Kyhpachâna khizaw paduapa ta, khizaw liata âmo hlâta thapha viapa nata aly viapa rai y ei sala â ngia vei! Ahnei n’awpa chôchâh chhao thlai reihpâ ha ei ta, kusadi chalei awpa zy chhao ama reih khohpâ lymâ ha hra.

Châhrasala, chyhsapazy he sapa nata thisaih deita a duahpa, khizaw pasana ta a tlô thlu theipa nata dahdie kawpa eima châna avaw lâ heihpa ta, cha hawhta aly thapha kawpa ta amâ kao khoh nona chata, zâkô Dec. 19, 2018, khata Amelia cha Cancer pasana a hnei, tahpa hmôpapuapa a châ haw!

Cha thâtih cha hmahta tao thai a ru bâ thlâ bao na ta, atakô 2019 Jan. 22, khata thâtih hropa Dawhtyzy tawhta thei heihpa ta, Amelia cancer pasana chata a pavyh hleikhôta, patia, who had just turned 30, another bombshell—her cancer had spread to her bowel, pelvis, peritoneal, nata a chhi lâ taihta a hiezawhpa ta; patlâh theipa châ khao vei, tahpa cha ama thei ha heih! Tao thai a ru rimâ awpa cha la!

He thâtih ama chho tawhta Amelia narônô Lucy ta a reipa cha, “Palôh thapachhiena lâchhâh ta tlyma y leipa ta, châhrasala, hmo pha lei chaipa avaw tlô hapa chhaota achhuahnoh chhielie awpa ta deikua eina chho tyh” a ta.

Cha hawhpa thâtih rarô ypa nata chhôhso pakeichheisa theipa chata Amelia châta a noh nata daihti zydua vaw hmâhtuhpa, Luke chhôhso cha a patypamâ kaw tlai aw. Châhrasala, a kyhpachâ chaipa cha a paphasai achhuah vei! Khâhlâ tawhta â vaw chhuah hapa cha papitlohsa awpa ta tlao a palôh a tao via rili.

Luke chata, “Amelia cha na hnei awpa ta hrua awpa ta liahsa ei palôh tao na ta, eima pano likah liata kyhpachâna he la â nano patlua ha. Ei hrochhôh noh zydua he a kiah liata hmâ khai awpa ei khoh.”tahpa ta Amelia cha khâchâ hnei awpa â chhuahnazie a rei.

Amelia nahta ama pano ta ama saduthliena zydua cha, Cancer pasana vâta hlaotloh khao lei awpa hmahta châ hrasala, Luke chata, a kyhpachâ chaipa, thla hluh chhao a hroh khao lei awpa cha, a hro noh chyuta chhôh chhâ cha a kiah liata hmâh ta, a châta thlalôhna châ awpa cha a khochaipa châ tlô ta!

Video moh khohpa chata :