Chakeibarôhneipa azaopazy ta ama siesao!

Image Courtesy - BBC

Czech Republic nochhi lâta Zdechov khih liata paw pakha cha a Chakeibarôhneipa zaopa zy ta ama siesao.

Michal Prasek heta kô 9-ta utheipa Chakeibarôhneipa chapawpa sâkha nata a chi a pathlasa n’awpa ta tahpa ta a chanôpa sâkha O liata avao ta. Prasek chakeibarôhneipazy ta ama siesao tahpa a pahno tua chaituhpa a paw chata a sawchapaw he Chakeibarôhneipa sona byh chhôh liata vaw y ta, byh he a chhôh lâ tawhta â hrai ha, a ta.

He Chakeibarôhneipa zy he Police-zy ta ama kasaopâ ha hra.

Police biephuahtuhpa chata "Prasek ri eima la papua thei n’awpa ta cha Chakeibarôhneipa zy he kasao cheingei awpa amâ ngiah" tahpa ta thâtihbu chyhsazy hmiakô liata a rei.

Prasek, kô 33-pa, heta kô 2016 liana khata Chakeibarôhneipa chapawpa he chalei ta, zâkô 2018 khata a chanôpa he a chalei heih hra. He Chakeibarôhneipazy he ama pahrâna O liata byh taopa ta tlâ mohôh ta. Ama yna awpa su kawh viapa tao awpa ta sawhkhâ lâta ahawna a pangiapa cha pasaipa châ leipa ta; dâh pasai leipa ta Chakeibarôhneipa ama O liata chi a pathlasapa vâta phusâ pacheisapa avaw châ ha hra.