Ethiopia zawtheina chyhsa 157 a phaohpa a piepasi

Atanoh Abeipa Noh heta Ethiopian Airlines Boeing 737 zawtheina, khitlypa a phaohpa Addis Ababa tawhta Nairobi, Kenya pangaipa ta a siepa cha â piepasi. He zawtheina liana heta khitlypa 149 nata zawtheina liata a hriapa chyhsa 8 ama kiahpa ta pahnopa a châ.

He zawtheina he Ethiopia sanâh liata my dawh 08.44-pa ta Ethiopia khihpi, Addis Ababa puasaipa ta a zawpapua ta, Km 60 rachhôh â zaw tawhta Bishoftu kiah liata â piepasi hapa ta pahnopa châ ta; a chhôh liata a kiahpazy he ama thi khai na ta pangiasapa a châ.

Thâtih thieh chaipa liata palâsana dâhta cha he zawtheina liata a kiahpa zydua he ama thi khai hapa ta pahnopa a châ. He zawtheina apiepasipa liana heta khizaw râh nano nanopa 30 tawhta khitlypa ama kiah.