Khizaw liata hroh parei/uhthei chaipa Kane Tanaka

TOKYO: Japanese nôpipa, kô 116-ta uhtheipa cha khizaw chyhsa a hroh thlâh ha chypa hryta uhthei chaipa/hro parei chaipa ta Guinness World Records ta Pachyh noh khata a phuah.

He Japanese nôpipa, kô 116 ta uhtheipa, Kane Tanaka he 2 January 1903 khata vaw pih ta, a pihna kô heta khizaw zawtheina hmiatua chaipa (Engine a hmâhpa) cha Wright Brother zy ta ama vaw pazawsa.

Pihnô Tanaka heta kô 1922 khata vahpa Hideo Tanaka hneipa ta, saw papalih sa ei ta, pakha deikua chyhsa hropa saw amâ la.

Image Source : New York Times Post

                        

Pihnô Tanaka he uhthei kaw bâ taraw hrasala, my dawh 6 am ta thyupa ta, mathematics nata kuzôngiapa (calligraphy) â chu tyh.

Japan he khizaw liata hro pasihna lâta hmia asahtuhpa châ ta, khizaw liata hro parei chaipa chyhsa khâ avaw pahrâ zôzaw tyhna a châ.

Kô 2013 liata khizaw chyhsa hro parei chaipa Jiroemon Kimura, June 2013 liata a thi hapa chhao kha Japanese pyly a châ.

Atanoh taihta pahno theina rakha liata khizaw liata kô hluh chaipa châpa ta a thi hapa cha, France chyhsa, Jeanne Louise Calment, kô 1997 liata kô 122 ta uhtheipa châpa ta a thi hapa kha a châ.