Kô 12 chhôhta Mizoram tawhta IAS arohpatlohpa 3 ngâlâh ama y

Mizoram tawhta UPSC Civil Service Exam liata arohpatlohpa ta Indian Administrative Service (IAS) liata direct-ta atlohpa he ama chyh ngaita kaw vâ. Mizoram tawhta arohpatloh hnôh chaipa cha kô 5 a khô hapa, kô 2014-liata arohpatlohpa, Grace Lalrindiki Pachuau d/o Vanhela Pachuau, IAS (Rtd) kha a châ. Grace hmiata liata a tlohpa kha kô 2008-liata atlohpa, Saidingpuii Chhakchhuak nata kô 2006-liata a tlohpa Dr. Franklin Laltinkhuma zy châ ei ta, Puhpa R.Lalvena nata Dr. Christina Z Chawngthu zy kha kô 2001 liata tloh ei ta. Kô 2000 hnôhlâ/khôlâ ta IAS arohpatlohpa Mizoram tawhta 5 deita ama y! Marapa tawhta chhochhi cha Puhpa Laima Chozah deita he IAS â rohpatlohpa a y chhôhpa a châ chy!

He hawhta a châ nona heta Mizoram Civil Service (MCS) deikua kô 2007 tawhna khata Mizoram Public Service Commission (MPSC) siepahliepa ta chyhsa 80 la hapa châ ei ta, kô 12 chhôhta Mizoram tawhta IAS-arohpatlohpa 3 deita ama y nota, MCS-liata cha 80 ama y ha tahna a châ.

He hawhta eima thyutlia châthaipazy ta central service hlâta state service ama by viapa vâna heta State ry liata biehneituhpa lai chaipazy cha (viahpa) zy ta hria hluh ei ta, buana nata atymâna daihti hmeiseihpa liata a râh leilô palôh phaona kyh liata rairuna y tyh ta, buana pathlâpazi awpa a rairu via ha tyh.

Pahno theipa rakha liata Mizoram tawhta IAS arohpatlohpa, atahmâ ta raihria haipa zy :

1. Lalnunmawia Chuaungo (1987-Gujarat), Principal Secretary, GAD, Gujarat

2. Lalbiaktluanga Khiangte (1988- JK), CEO-Cum-Prin. Secy, Cabinet (Election), Jharkhand

3. Laima Chozah (1988-West Bengal), Prin. Secy, Secy.cum CEO, WB HRC

4. Lalrinliana Fanai (1995 – UK), Commissioner/Secy, H & FW, etc. Mizoram

5. Robert Lalchungnunga Chongthu (1998- Bihar), Secy. Education Dept., Bihar

6. Dr. Christina Z. Chongthu (2001- AP), Commissioner, Tribal Welfare, Telengana

7. R. Lalvena (2001-Tamil Nadu)

Commissioner, Social Defence, Tamil Nadu

8. Dr. Franklin Laltinkhuma (2006-AGMUT), Registrar, NIRD & P

9. Saidingpuii Chhakchhuak (2008- Gujarat), Director, Gujarat Energy Development

Agency, Gandhinagar, Gujarat

10. Grace Lalrindiki Pachuau (2013-Tamil Nadu), Sub Collector and SDM, Dharapuram, Tamil Nadu

Thyutliapazy ta Central service hlâta State service ma bylyu viana chhâpa he khâpa vâta châ aw.? Eimâ chuna siekheidâh (Education System) he ma pha-âh vei ma.? Awnanopa nata khihtlâh chhao heta maophaohna athata a hnei tly?

-          With Inputs from Hillsgate.in