Mizoram Governor a bâ!

Thiruvananthapuram: Zawpizy pahlaw kaw awpa ta, Mizoram Governor a châ haipa Kummanam Rajasekharan atanoh khata bâna pangiapa ta, he bâna a pangiapa he India sawhkhâ ta chhao â pyhpâ hapa hawhta eima biehnawh ta a palâsa. He hawhta Mizoram Governor eikhapi ta a bâna chhâpa he Kerela liata Thiruvananthapuram bia Lok Sabha atlyhna liata Congress MP Shashi Tharoor a chakho khohpa vâta a châpa hawhta pangiasapa a châ.

Rajasekharan he Mizoram Governor thla 10 chhao châ hmâ leipa ta, Governor châta ama rao nona khata zawpi pahlaw kaw ta, atahmâ ta eikhapi ta a bâh thlâh ha heihpa chhao heta zawpi a pahlaw kaw heih.

Rajasekharan he Kerela liata BJP chhihthatuhpa vaw patu tyhpa, Hindu py nano nanopa liata châna avaw patu ha hrapa a châ.