Pakistan ta India Pilot avaw papua haw

Pakistan ta Indian fighter pilot ama patupa, Wing Commander Abhinandan Varthaman cha zâhnia zâ dawh 9:20Pm rachhôh khata Wagah râhri, Jammu & Kashmir liata India biehneituhpazy ku liata ama vaw hlâ haw.

He Wing Commander Abhinandan Varthaman he Pakistan sawhkhâ heta zâhnia zâlâ dawh 2-4Pm likah liata ama vaw papua awpazie ama rei nota, tao awpa angiahpa nata pasia awpa a ngiahpa ma hluh ha ma, zâ dawh 9:20Pm rachhôhta Wagah ama vaw tlôkhei.

He Pilot ama vaw hawh kheina chhãpa he, Pakistan TV liata bie ama pareisa ha heih tuapa vâta a châpa hawhta report thokha ta a palâsa.

India nata Pakistan râhri Wagah liata Pilot he chyhsa hluhpi ta pawpi pachhih zy, pyury paro-pasyu theipa chito rai ta vaw dy ei ta, 'India Pasaipha' he ama pasô kaw.

Wing Commander Abhinandhan Varthaman he India sawhkhâ lâ tawhta a hnatlâna duasu zy mohpasia tuapa châpa ta, he khai tawhna heta pheisaih lá tawhta hmo hiahrihna nata achhyna zy hnei heih tua aw ta, cha khai tawhta a chhôhkha zy â hmô thei ha aw.