PUBG Mobile Games vâta Acid doh ta a thi daihmâ!

Atahmâhlâ ta mobile game alâluah kawpa, ‘Playerunknown's Battleground’ (PUBG) hmo pahaw nao kawpa (highly addictive) kawpa a châpa vâta he game vâta thâtih nahcharao kawpa a tlôpa thei awpa a hluh kaw bâ.

Madhya Pradesh liata satlia pakha cha a mobile liata PUBG â khaihpa a pahâh tu hapa vâta a kiahpâh liata Acid ti cha ti khiahma tahpa ta mohpasia hlei leipa ta a doh tlamaw ha.

He Acid dohtuhpa he kô 25-ta uhtheipa, Chhindwara khih liatapa châ ta, Acid a dohpa vâna heta a hrona a pahlei daihmâ ha. Ano avaw mohôhtuhpa Dawhtyzy chata, he satlia, a moh ama palâsa leipa heta ama tlyhmia liata a mobile hmâpa ta PUBG he akhaih ta, a kiah liata Acid cha ti khiahma tahpa ta a doh hapa a châ, ama ta.

A chhôhkhanahzy ta thlaita he satlia he Nagpur thohna-O lâ â râkhei para ei ta. Thohna-O he tlôkhei hawh via mawh ei sala cha a hrona taihta a pahlei aw, ama ta. A rih parao khai daihmâ ta, dawhtyzy ta ama theina zydua papuapa ta a hrona ama pachha hmâ hapa a châ.