Health & Lifestyle : IAHSO chyhsapa châta a phana zy

Iahso liana heta sapa châta phapa -Vitamin C, magnesium nata mineral hropa a ypa vâta hnatlâna châta pha kawpa nata nie hialia awpa chi a châ. Atahmâ ta eima rei awpa cha THOPI liata IAHSO pahlaopa, hnatlâna nata sapa châta a phana eima rei tua aw. Iahso he cha âhmie/chichei alâluahpa nata hluh kawpa a châpa vâta a hyrai ta eima nie theipa a châ.

Luhpahiahpa nata Motor pari’pa avaih

Khitly chy, motor kia chyta thopi liata Iahso pahlaopa dopa heta motor pari awpa nata luhpahiah awpa athata a vaih, tahpa achupasiatuhpazy ta ama rei.

Pavyh châta a pha

Pavyhta eima pati niepa/hmo niepa avaw charieh pazao lymâ n’awpa kyh liata nata eima hmo niepa tawhta pati phapa avaw sy lymâ n’awpa kyh liata thopi liata iahso pahlaopa he a pha ngaita kaw.

Meikâpa liata a pha

Iahso liana heta meikâpa vâta sahpa padiana (Anti-Inflammatory) pha kawpa y ta; he vâna heta meikâpa liata a tisaohpa ta tlyma, Iahso cha-eihpa ta tlyma baipa ta a pha kaw.

Kahraoh saopa thohna

Thopi liata Iahso pahlaopa heta kahraoh saohpa patlâhsa thei ta; he hawhpa ahniahnipa pasana châta thohna pha kawpa a châ.

Thisaih lâthlôh a taopathi

Iahso liata vitamin, mineral nata amino acid a ypazy heta thisaih lâthlôh athata pathaisa thei ei ta. He heta thisaih lâthlôh liata thaw chhiepa a y awpa vaih ta, châh-ao thatlô awpa nata Stroke awpa a vaih thei.

Chanô thi hneipa vâta rairuna atyhpa châta

Chanô thi hneipa, thi hneipa vâta chai/patia pasapa tlyma luhpahiahpazy châta Iahso ti liata Towel/pohthladi nypa tan a py khan â tyh la, kha khata na patia pasapa nata hmohropa liata athata thadâhna a cha pie aw.