Maoist Riahrupazy ta ama tlahnaona liata BJP MLA nata mohropa 4 thi

Bharatiya Janata Party (BJP) MLA pakha nata ano pazituhpa/vaihtuhpa chyhsa hropa 4-zy cha Maoist riahrupazy ta Bomb ama pachhopa ta ama kiana motor a pathlupa vâta  ama thi.

He BJP MLA a thipa he Bheema Mandavi, kô 40-ta uhtheipa, Dantewada Bia, Chhatishgarh tawhta MLA a tlohpa a châ.

Zâhnia (Hriaheih nohta) ta atlahnaona he India atlyna, mylâ târi 11 April tawhta Vote pathla awpa ziza ta a ki a tlô hai nota atlahnaona hmiatua chaipa a châ. Riahrupazy heta Bomb ama pachhopa ama papa khai tawhna heta Meithei ta MLA nata ano zituhpazy he ama tlahnao pazaopâ heih hra.

Leilô hneirônah liata a tivy kawpa, Chhattisgarh state liana heta Maoist riahrupazy ta pei ama hriana he tlô hluh kaw bâ ta; kô 30 hlei a khô hapa tawhna khata peihriana he ama vaw siekhei ha bâ.

Maoists-zy heta he hawhta sawhkhâ amâ dyuhna chhâpa cha – Tribal chyhsazy adona tovyuh nata lyutaopazy adona tovyuh ama hnei pakhua heih thei n’awpa ta a châ, ama ta.

Kô 2013 liana khata, Congress Politician 25-zy cha Chhattisgarh liana heta Maoist zy tlahnaona liata ama vaw thi ha hra.