Mizo thyudyupa Jeremy Lalrinnunga ta World Record 15 tao!

Mizo thyudyupa, Youth Olympics gold medallist Jeremy Lalrinnunga chata Asian Weightlifting Championship liata record thiehpa tao via lymâ heihpa ta, World Record 3 taopa ta, he ataopasuana liana heta a yna group liata 2-na a châ. Kô 16-ta uhtheipa Jeremy, he Kg 67 Men’s Event Group B liata ypa ta, Youth World nata Asian record thiehpa cha ‘snatch, clean nata jerk’ liata taopa ta, a pôhpalôhpa liata Kg 297 (134kg+163kg) chalopa ta, Pakistan chyhsa Talha Talib, Kg 304 (140kg+164kg) chalotuhpa pazipa ta Group B liana heta 2-na liata a y. 

Jeremy heta a pôhpalôhpa liata Record 15 tao ta, National nata International liata ano mopakha ta Record avaw tao ha chiehpa zy cha he Asian Weightlifting Championship liana heta a khô khai ha heih.

He Asian Championships he Olympic qualifying event châpa ta, he liata Point ama hmôpazy he Tokyo Olympics, 2020 châta hmâpa a châ aw.

Jeremy heta Buenos Aires Youth Olympics, zâkô October liata Argentina liata hneipa liana khata 62kg category liata 274kg (124+150) chalopa ta, Gold Medal âvaw ao hapa kha a châ.