Noh 10 chhôhta Achhyna-O 3 meita kâ khai

Louisiana, USA chho lâ liata Movyhpazy Apakhyna Achhyna-O, noh 10 chhôhta Achhyna-O 10 cha mei ta raopa châ ta, ahyzy taopa ama a châ, tahpa alaichadai haipa a châ.

Noh 10 chhôhta achhyna-O 3 mei ta a kâ khai thlâh hapa he biehneituhpazy chata azaokhina ama hnei na ta pangiasana lai kawpa hnei ei ta. He Achhyna 3-pa zy he - 26 March, 2 April nata 4 April zy khata mei heta a kâ.

Biehneituhpazy chata he thâtih pachhuahpanoh hai no taihna heta mei kâna chhâpa nata ataotuhpa pahnopa tlyma patupa tlyma hnei mâh leipa ei ta; he Achhyna-O kâpa vâta thina leina a tlôpa deikua y hraoh vei.

Anodeikua he hawhta Movyhpazy Apakhyna-O, noh 10 chhôhta 3 tlai mei ta a kâpa heta pangiasana pha lei kawpa nata US History liata movyhpazy ta adona tovyuh ama tei daihti (US Civil Rights Movement) kha avaw pathyu pathi ha heihpa vâta movyhpazy ama palôh a pasa kaw.

Louisiana State Fire Marshal Butch Browning, chata, “Atahmâ duasu liata â lâna dâh ta cha, he Achhyna-O 3 a kâpazy he azaokhina a hneipa lyu kaw ei ta, moleipazy ta mei ta ama raopa châ sala pangiasa â chhih kaw” a ta.

He Achhyna-O mei ta a kâpazy he - St Mary Baptist Church, Greater Union Baptist Church nata Mount Pleasant Baptist Church zy châ ei ta, Lafayette maw lâta a ypa sai ama châ.