MCS Officer tlaw thysy 37.5 (lakh) nieparupa vâta lô-O lia a tâh awpa ta hrie
TheFrontierDespatch |Mizoram
MIZORAM Civil Service officer pakha cha târi 8 May khata Special Court, Mizoram ta nieparu biebuapa liata riethei kawpa ta kô 5 chhôh lô-O a tãh awpa nata tlaw thysy 5 (lakh) cheih awpa ta a chôta bietluna a tao.
The Frontier Despatch ta a palâsana dâhta, Prevention of Corruption Act ry liata biebuapazy pachiatuhpa Special Court chata kô 1991-liata MCS-a tlohpa Lalrempuii Fanai cha kô 2008-liata State Institute of Rural Development (SIRD) ry liata computer supply-na liata nieparupa ta ama baina cha â do, tahpa ta thailei a pachâsa.
Prosecution lâ tawhta court hmiakô liata ama tlôkheina liata cha, Lalrempuii Fanai heta Kolasib SIRD-liata project director rai a patu nota computer 150 Mizoram su nano nanopa liata hmâ awpa ta supply order papuapa chã ta.
Ano nata computer supply-tuhpa firm - Emperor, Aizawl - zy chata computer sâkha supply-na mâ tlaw 25,000 a châ nota, bill-liata tlaw 50,000 hawhta ropa chã sala, he khôlã ta alaipa sôh 25,000 cha â khopa ta arai awpa ta amâ paryh, tahpa Anti-Corruption Bureau nata court liata prosecutor-zy chata court-liata tlôkhei ei ta, a zydua ta Lalrempuii Fanai ta a nieparupa cha tlaw thysy 37.5 (lakh) a chãpa hawhta TFD chata a palâsa.
He nieparuna ta bainazy he Special Court judge Thanglian Mang Guite chata pasiapa a châ tahpa ta Lalrempuii Fanai cha hriatlãh a châ tahpa ta, lô-O a tâh awpa ta a hrie hapa a châ.
Read source :
No comments