Pihnô S.Ngôdei 'BIRTHDAY' ei Office liata - By Pachi Hlychho

Atanoh nohchhôh ta Mara hlasathaipa pihnô S.Ngôdei ta Office vaw tly ta, atanoh he a 'birthday' vaw châ ta, ei room liata a pinoh eimâ ly - Ls Mami, Ls Naku nata Pupa N. Viakhu zy chhaota.

Kô 31, (Mara kô reizie ta cha chhâ kha tlai a vaw châ ha chuh) lia khata khizaw â dua tawhta a eikha n'awpa ta Ls Ngôdei ta "EI NGIAH RILI" tahpa cassette  release ta, a hit ngâsâ. "Kô 1000 hmah lei hrasa", "Yru khiahlô â lie châhta", "Rianai kei châta laina khizaw lia" tahpa  hlazy record ta, Mara râh a tlai pahnie ngâsâ. Atahmâ chhao he recording studio â ngia heih awpa ta á chhuahnoh ngâkaw heih.

Hla a record tua no, kô 1988 lia kha cha Laihsa châ ta, atahmâ cha dyhchâ khôphei kiahpa ta saliah nawhly â pyh pakhâh ha hra. A birthday alyna châta eimâ vaw post.

Cassette a tao no kha Mara reih cheingei ta cassette eima hneipa nata Mara hla eima nahthlie theipa  kha Marasaw châta cha khizaw thiehpa liata a ngiapa hawhta pachâ thei awpa a châ.

Chi hro pho hropa  châta cha cassette tao kha ru vei, keimo cha MTP conference cheingei  ta pathlu ta, CEM puhpa S. Vadyu ta phusâ kha a pie. Eima officer laipa, puhpa Vabeiha Hlychho, Dr.Punjab, puhpa TA Chhôhu zy baona kha a rônah kaw. Aizawl Vulmawi studio liata record-pa châ ta, All lndia Radio liata station chhao hnei pha leipa pho eima châpa vâta Mara reih ta cassette a puapa kha cha a  sôh dâh a sâh ngâsâ.