Dawhty diathlâ kawpa la ama châ!

Darbhanga : Bihar liata chapaw hawtipa pakha cha Iphô kô tawhta tla ta, a bâh chavei lâ a pahleih ta. A bâh a pahleipa cha dawhty kei pamosa ei ta, dawhty he a maorih kawpa ma a châ ha ma? A chavei lâ â pahleihpa tlai cha, a chachâh lâ bâh cha a vaw chatypa (plastered) thlâh ha bao!

Hawtipa, kô 7 ta uhtheipa Faijan heta, "Dawhtynah he ei bâh eina mopa no ei heta ei chavei lá tahpa ta ei chho ngâkawpa tlai ei cha, ei chachâh lâ bâh cha phâphao eina chatypa thlâh ha ei bao," a ta.

Faijan nô chata dawhtynah a pielyuna dãh cha palôhtâhlei kawpa ta, "a uasa leina lai chaimâhpa na a chá" a ta.

"He hmo he amâ laichadai awpa a châ. Thohna hmô kha chhao miah pie hra vei ei," a tahpâ hra.

He hmo he State Health Department nata minister Mangal Pandey kô thlai tlôpâ ha ta, he thohna-o liata Superintendent chhao hmo yzie a hiahripa ta, alaichadai awpa ta a chho pâ ha hra.